Estatuko lehen mailara igotzeko fasea jokatuko du Erroibidek. Maiatzaren 12-13ko asteburuan izango da, Mungian (Bizkaia). Durangoko Tabirakoren aurka irabazi du azken partida (64-77). Jardunaldi bat geratzen da, baina igoera faserako txartela ziurtatua dauka Irungo taldeak.

Behetik gora egin du Erroibidek aurtengo ligan. Lehen hiru partidak galdu zituen, eta lehen itzulian eragozpen handiak jasan zituen, lesioak zirela eta. Bigarrenean, aldiz, garapen etengabea eduki du, saria eskuratzea lortzeraino.