Kolpea eman du Unionek Lasesarren irabazita
Futbola

Kolpea eman du Unionek Lasesarren irabazita

BARAKALDO: Guillén, Aldalur, Gayoso, Odei (Alain, 46'), Larreategi, Albisua (Cerrajería, 60'), Aguiar, Usi, Gerardo, Vidal (Cabezas, 80), Goti.

REAL UNION: Tena, Azkoiti, Morcillo, Aimar, Esnaola, Rodellar, Silas (Ozkoidi, 65'), Eneko Romo, Juan Domínguez, Seguin (Urkizu, 71'), Goikoetxea (Galán, 82').

GOLAK: 0-1: Eneko Romo (34'). 0-2: Goikoetxea (50'). 0-3: Galán (87').

EPAILEA: Ruiz álvarez. Txartel horiak: Odei, Goti (Barakaldo); Seguin, Urkizu (Real Union).

Aurkariak beldurtzeko moduko garaipena lortu zuen larunbatean Real Unionek. Talde trinkoa izan zen Lasesarren, sendo aritu zen defentsan, eta etekina atera zien Barakaldoren hutsegiteei. Etxeko taldea nagusi izan zen lehen zatian. Baloiaren jabetza eduki zuen, baina lana izan zuen irundarren presioa gainditzeko. Abaguneak sortu zituzten hala ere, eta Jon Tenak esku hartu behar izan zuen gola ekiditeko. Aguiarren burukada eta Vidalen jaurtiketa gelditu zituen. Bizkaitarrak partidaren kontrola eskuratzen ari zirela zirudienean, Odeik Azkoitiri egindako penaltiak neurketa aldatu zuen. Eneko Romok sarera bidali zuen baloia jaurtiketan, irundarrei abantaila baliotsua emanez. Atsedenaldira arte, bigarrena sartzeko aukera izan zuen Unionek kontraerasoetan.

Aldagelatik bueltan lortu zuten azkenean. Bigarren zatiko bosgarren minutuan, Larreategik galdutako baloia eskuratu, eta atezaina gainditu zuen Iñaki Goikoetxeak. Kolpeari buelta eman ondoren, erasoan jarraitu zuen Barakaldok, golaren bila. Real Unionek atzera egin zuen pixkanaka, abantailari eusteko asmoz. Itxaropena emango zion gola hurbil izan zuen Ezkerraldeko taldeak. 86.minutuan Alain Arroyoren errematea urrundu zuen Tenak. Baina hurrengo jokaldian, zelaian sartu berria zen Galanek norgehiagoka erabaki zuen, Larreategiren hutsa baliatuta. Garaipenarekin, Barakaldo aurkari zuzena urrun utzi du Real Unionek. Sei puntuko aldea du bizkaitarrekiko. Ostegunean Leioa hartuko du Aitor Zulaikaren taldeak Stadium Galen.

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika