Zazpigarren jardunaldian iritsi da Emakumeen Bigarren Mailako Mariñoren lehen garaipena. Barakaldoko Pauldarrak taldea mendean hartu zuten urdinek, larunbatean Landetxan. Atea hutsean utzi zuten neskek, eta bi gol sartu zizkioten talde bizkaitarrari. Sailkapenean jauzi handia eman du Mariñok. Atzean utzi du jaitsiera postuen arriskua, eta zazpigarren postuan dago orain, zortzi punturekin. Dena den, garrantzitsuena da garaipenak taldeari emango dion konfiantza. Larunbatean Lezaman ariko dira urdinak, Athletic Bren kontra (17:00).