TXINGUDI ERRUGBI TALDEA DENBORALDI BERRIA HASTEKO PREST
Errugbia

TXINGUDI ERRUGBI TALDEA DENBORALDI BERRIA HASTEKO PREST

2021arekin batera, Txingudi Errugbi Klubak Euskadiko Senior Ligako txapelketa hasiko du datorren astean eta jada, dena prest dute.

Txingudi Errugbi Klubak badu denboraldia hasteko data. Asteburu honetan ekingo dio denboraldi berriari, pasaden asteartean Euskadiko Errugbi Federazioak egutegia prestatu zuten, klubek onartu zuten eta datorren astean txapelketara bueltatuko dira Bidasoaldeko errugbilariak. Hain zuzen ere, lehen jardunaldia Sarako Izarraren aurka jokatuko du talde bidasotarrak, etxetik kanpo. Covid protokoloak direla-eta, Sarako Izarra hegoaldean jokatzera behartu du Federazioak; beraz, gaur gaurkoz, ez dago argi non eta noiz jokatuko duten lehen jardunaldia.

Aurtengo ligak formatu berezia izango du, 9 taldez osastutako liga izango da eta denak denen aurka itzuli bakarrean jokatuko dute. Lehen fase hau bukatzerakoan, multzoa bitan banatuko da eta itzuli bakarrean, multzo bakoitzeko taldeak denak denen aurka jokatuko dute. Aurtean, Txingudi Errugbi Klubak, Atletiko/Hernani, Gernika, Arrasate, Durango, Univ. Bilbao, Bera Bera, Sarako Izarra eta Errioxaren aurka arituko da. Iñigo Camarerok, Txingudi Errugbi taldeko entrenatzaile berriak, “liga zaila izango den arren talde bidasotarra lehen lau taldeen multzoan egoteko aukerak dituela” uste du.

Aurpegi berriak.

Aurpegi ezaguna bada ere, taldearen lehen berritasuna aulkian dago. Orain arte Txingudi Errugbi Klubeko jokalaria eta lehendakariordea zenak, Iñigo Camarerok, hartu du taldearen gidaritzapena eta orain arte taldeko entrenatzailea izan den Iñaki Lekuona ordezkatuko du. Berarekin batera, esperientzia handiko jokalariak batu dituzte urte berri honetan aurrerapausu nabaria emateko; hala nola, Hernanin eta Txekiar Errepublikan aritutako Xabier Sanchez eta El Salvador eta Ordizian aritutako Youssef Haddar. Hauekin batera, harrobiko taldetik bost jokalarik emango dute lehen talderako saltoa: Keoma Pacheco, Unax Dominguez, Ekain Hiribarren, Ibai Prego eta Oihan Arruabarrena.

Bajak ere badaude, noski. Hain zuzen ere, Alvaro del Alamo, Javier Boes, Josu Velasco, Luciano Echeverria, Asier Gonzalez, Ramon Bergua, Urtzi Mata, Beñat Senar, Beñat Herrero, Asier Amigo eta Unai eta Iñaki Cano bixkiek ez dute taldean jarraituko. 

Gabonetan, lagun artekoa.

Aurreko astean denboraldiko berriko egutegia onartu zutelarik, data gutxi zituen Txingudi Errugbi Taldeak denboraldi-aurreko lagun artekoren bat antolatzeko. Gabonak baliatu zituzten eta pasaden larunbatean, Playaundiko Errugbi zelaian, Bera Bera Bren aurka aritu ziren. 5-18 gailendu ziren donostiarrak, baina Iñigo Camarerok baikor bukatu zuen lagun artekoa. Entrenatzaile berriaren aburuz, “nabaritu zen taldeak erritmo falta zuela eta aldaketa ugari izan direla taldean, baina benetan uste dugu denboraldi txukuna egiteko taldea dugula”. Neurketari dagokionez, Bera Bera Bren inguruan “lehen taldearekin entrenatzen dutela” nabaritu zela eta “neurketak sentsazio onak” utzi zizkiola gaineratu zuen. 

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN
Errugbia

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN

Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa

Txingudi Rugby Klubak bigarrenez...

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN
Errugbia

TXINGUDI RUGBY KLUBEKO SENIORREK EZIN IZAN DUTE GARAIPENIK BATU ASTEBURUAN

Biok Txingudik 29-22 galdu zuen Neskak Loratzen taldearen kontra, eta Zaisa Txingudik ere 17-13ko emaitzarekin galdu zuen Bera Bera Bren...

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK
Errugbia

PLAIAUNDITIK URRUTI EGONEN DIRA ASTEBURUAN TXINGUDI RUGBY KLUBEKO SENIORRAK

Zaisa Txingudik bihar jokatuko du Bera Beraren kontra eta Biok Txingudik berriz, igandean Neskak Loratzen taldearen kontra

Txingudi Rugby Klubeko...

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN
Errugbia

BIOK TXINGUDIK GAZTEDI GARAITU ZUEN ETA ZAISA TXINGUDIK BERRIZ LEHEN PORROTA JASO ZUEN ETXEAN

Txingudi Rugby Klubeko gazteek ere arrakastaz bukatu zuten asteburua

Txingudi Rugby Klubeko ia talde guztiek lortu dute asteburua arrakastaz...

BIOK TXINGUDIK HASIERA EMANEN DIO EUSKAL LIGAKO BIGARREN FASEARI
Errugbia

BIOK TXINGUDIK HASIERA EMANEN DIO EUSKAL LIGAKO BIGARREN FASEARI

Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du

Atsedenaldiaren ondotik, Txingudi...

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika