AMETSAK EGI BIHURTUZ
Futbola

AMETSAK EGI BIHURTUZ

Odei Martin irundarrak Wembley zelai mitikoan FA Trophyko finala jokatuko du. Duela urtebete jokatzen hasi zen taldeak, Concord Rangersek, markagailua irauli eta 2-1 irabazio zion Halesowen Town taldeari.

Duela bi urte 23 urteko Odei Martin irundarrak Ingalaterrara bidaiatu zuen amets bat jarraitzeko asmoz, Ingalaterrako txapelketetan parte hartu eta Wembley neurketa bat jokatzea. Egun hori iritsi da. Datorren irailaren 27an Wembeyko zelaian arituko da FA Trophyko finala jokatzen. Gutxi batzuen eskura dagoen pribilegio da Wembleyen jokatzea, are gehiago final batean.

Pasaden denboraldian Odei Martinek Ingalaterrako Zortzigarren mailan aritzen zen Heybridge Swifts taldean jokatu zuen, atzerriko lehen esperientzia izan zen jokalari irundarrarentzat, eta urtebete geroago Ingalaterrako Seigarren mailan jokatzen duen Concord Rangersek fitxatu zuen.

Argi dago bidea ez dela batere erraza izan, herri eta ohitura berrietara egokitzea ez da beti samurra, baina pazientziak eta lanak, azkenean, emaitzak eta ametsak gauzatzea erakarri ditu. Hori bera gertatu zen FA Trophyko final-erdietan. Concord Rangers 0-1 galtzen hasi zen, baina lehen zatia bukatu baino lehen, markagailua berdindu zuten. Odei Martin lehen 45 minutuan aulkian pasa zituen, baita bigarren zatiko minutu asko ere, baina 60.minutuan entrenatzaileak beste jokamolde bat behar zuela pentsatuta, Martin atera zuen zelaira.

Zukua atera zion Martinek jokatzeko aukera izan zituen minutuei, Concord Rangers taldeak baloiaren agintea lortu zuen eta aurkariaren atera hurbiltzen hasi ziren. Horrela, 80.minutuan, 2-1 Wall jokalariak sekulako bolea sareetara bidali zuen. Azken hamar minutuak oso borrokatuak izan ziren, aurkariek berdinketa hala edo nola lortu nahi zuten, baina neurketa 2-1koarekin bukatu zen.

Pozaz gainezka, sorpresa txiki bat prestatu zioten klubeko ordezkari eta langileek Odei Martini, ezkutatuta zuten Ikurriña bat zelaian jarri zuten ospakizuneko apaingarri modura. Pozik baina arduratsu, Odei Martin prest dago bere ametsa betetzeko. 

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika