Astea borobildu du Real Unionek
Futbola

Astea borobildu du Real Unionek

REAL UNION: Tena, Azkoiti, Morcillo, Aimar (Silas, 65'), Esnaola, Rodellar, Ozkoidi (Urkizu, 60'), Mikel Alonso, Galán (Mujika, 79'), Juan, Seguin.

REAL MADRID B: Yáñez: Varela (Fran, '88), Llorente, Derik, Noblejas, Aguza, Benavente (De Tomás, 81'), Marcos Llorente, álvaro, Burgui, Mariano.

GOLAK: 1-0: Galán (3'); 1-1: Esnaola bere atean (21'); 2-1: Juan (27'), 2-2: Aguza (57'); 3-2: Galán (77').

EPAILEA: Luis Mario Milla álvendiz. Txartel horiak: Azkoiti, Juan Domínguez, Aimar, Morcillo, Tena (Real Union); Aguza, álvaro (x2).

Real Madrid Castilla mendean hartuta amaitu du Real Unionek Federazio Kopako garaipenaren astea. Ospakizunak eta omenaldiak azkar alde batera utzi, eta lehiaketan kontzentratuta jarraitzen dutela erakutsi dute txuribeltzek. Aurkari zaila izan dute Galen, maila handiko jokalariak dituena. Estu hartu du behin baino gehiagotan Castillak Real Union. Hala ere, hiru puntuak Irunen gelditu dira, Aitor Zulaikak zuzendutako mutilen lanari esker.

Lehen zatia bizia izan da, zoro samarra. Hirugarren minutuan sartu du lehen gola Galanek, penalti zalantzagarria eragin ondoren. Etxekoak markagailuan aurretik egon arren, madrildarrak izan dira nagusi hurrengo minutuetan. Hegaletatik indartsu sartu dira álvaro eta Burgui, eta Marianok lana eman die Unioneko atzelariei. Tenak ekidin du aurrelariaren gola, seigarren minutuan. Banakoa Josu Esnaolak sartu du bere atean, korner batean baloia kontrolatu nahiean. Kolpea bizkor gainditzea lortu dute irundarrek, Juan Domínguezen golari esker. Falta jaurtiketa batean bidali du baloia sarera, behetik.

Castillak arriskuan jarri du etxekoen abantaila atsedenaldiaren aurretik. Baina aldagelatik bueltan lortu du markagailuan oreka berrezartzea. Aguzak sartu du bigarrena, falta baten aldaratzean sortutako bigarren jokaldian. Norgehiagokaren erritmoak behera egin du ondoren. Puntua galtzeko arriskua ikusi dute bi lehiakideek. 77.minutuan, Galanek bigarren penaltia eragin du, Alonsoren erdiratzeari etekina aterata. Erronkariko aurrelariak ez du hutsik egin, markagailuan 3-2koa jartzeko. Garaipenari eusteko sufritu behar izan dute hortik aurrera txuribeltzek, madrildarren erasoek arriskua zeramatelako. Helburua lortuta, 60 puntura heltzea lortu du Real Unionek.

PARTIDUAK ITXI GABE JARRAITZEN DU REAL UNIONEK
Futbola

PARTIDUAK ITXI GABE JARRAITZEN DU REAL UNIONEK

Real Unionek 2019-2020 denboraldian irabazi gabe jarraitzen du, ligako laugarren jardunaldian Tudelanok 1-2 irabazi zion Stadium Galen eta sailkapenean 18.nak...

AZKEN MINUTUAN BERDINKETA
Futbola

AZKEN MINUTUAN BERDINKETA

Real Unionek El Mantico futbol zelai mitikoan 1-1 berdindu zuen Aitor Aranzabek 89.minutuan gol bat erdietsi eta gero

Talde txuribletzak sailkapeneko...

REAL UNIONEK BI JOKALARI BERRI SINATU DITU
Futbola

REAL UNIONEK BI JOKALARI BERRI SINATU DITU

Klubak gaurko egunean argitaratu du Nicolas Kata Martinez eta Alvaro Matias Telis talde txuribeltzaren jokalari berriak izango direla denboraldi...

BERDINKETAREKIN  BUKATU ZEN GALEKO LEHEN NEURKETAN
Futbola

BERDINKETAREKIN BUKATU ZEN GALEKO LEHEN NEURKETAN

Partidu ona jokatu eta aukera hoberenak izan arren Real Unionek 1-1 berdindu zuen Leongo Kulturalaren aurka, Alain Eizmendik aurreratu zituen txuribeltzak eta...

REAL UNIONEK DENBORALDI BERRIA PORROTAREKIN HASI DU
Futbola

REAL UNIONEK DENBORALDI BERRIA PORROTAREKIN HASI DU

Talde txuribeltzak 2-0 galdu zuen Calahorraren aurka Errioxan, denboraldi berria ezkerreko hankarekin hasi dute

Real Unionek ez du denboraldi berria ondo...

DEFENTSARAKO ESKARMENTUA ESKEINIKO DIO BORDAK REAL UNIONI
Futbola

DEFENTSARAKO ESKARMENTUA ESKEINIKO DIO BORDAK REAL UNIONI

Aritz Borda 34 urteko defentsa gipuzkoarra datorren urtean talde txuribeltzaren kamiseta defendatuko du

Fitxaketa berri bat aurkeztu du gaurko goizean...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika