Final laurdenetan izango da Real Union, Alaves B Federazio Kopatik kanpo utzi ondoren. Arriagak sartu du itzuliko partidako lehen gola, 39.minutuan. Kanporaketa erabakita zegoen arren, bigarrena lortu du Galanek luzapenean. Joanekoan 3-2 irabazi zuten txuribeltzek Stadium Galen. Ondorengo hamaikakoa zelairatu du Asier Santanak: Otaño, Gorosabel, Escoruela, Rodellar, Ekhi, Esnaola, Capelete, Martins, Mujika, Arriaga eta Thaylor. Bigarren zatian Galán, Estrada eta Aimar sartu dira, Rodellarren, Esnaolaren eta Arriagaren ordez.