BIDASOA B: Zamora, Mindegia, Aldanondo ( 5), F. Rincón (1), Legorburu, Cambronero (4), Zamarreño (6), Martínez (2), Calderón, Gómez, Satrustegi (1), Cañas, Martín (3), Eizagirre (2), Isidro (2).

MARKAGAILUA: 1-1, 4-1, 7-2, 11-4, 13-7, 15-10 (atsedenaldia); 16-12, 18-12, 21-13, 22-14, 24-17, 26-18.

Pulpo taldea hartu zuen larunbatean Bidasoa Bk Artalekun. Zumaiarrak Estatuko Lehen Mailako sailkapeneko azken tokian daude, eta puntu bakar bat ere ez dute bildu denboraldi osoan zehar. Irunen ere ez zuten ezustekoa emateko aukerarik izan. Lehen gola sartu zuten, baina beste sei jaso zituzten segidan.

Ordu laurdena betetzerako, 7-2 galtzen ari zen Pulpo. Atsedenaldira bizirik heldu zen, hala ere, 15-11ko markagailuarekin. Bigarren zatiko lehen ordu laurdenean, ordea, hiru gol besterik ez zituen jaso Bidasoa Bk, eta abantaila erosoa hartu zuen horrela (21-13). Espero zitekeen garaipena lortu zuen azkenean filialak. Sailkapeneko seigarren postuan egonkortzen ari da Pedro Salcedoren taldea. Gasteizen jokatuko du larunbatean, Gure Auzuneren kontra (19:30).

Garaipen estua lortu du Hondarribiak

Errenteriako Galtzarabordan irabazi zuen larunbatean Hondarribia Eskubaloiak (25-26). Sailkapeneko azkena da Ereintza, baina berdeak mendean hartzeko zorian izan zen, hala ere. Azkenean, jaitsiera postuak urrun samar mantentzeko balio duten bi puntu eskuratu zituen Javi de la Hazak zuzentzen duen taldeak. Urdanetaren etxean ariko da Hondarribia asteburuan.