BIDASOAK INDAR HUTSEZ BERE LEGEA EZARRI ZUEN HUESCAN
Eskubaloia

BIDASOAK INDAR HUTSEZ BERE LEGEA EZARRI ZUEN HUESCAN

Bidasoa neurketa osoan zehar jaun eta jabe izan zen, lehen minututik paritdua haustera atera ziren eta pentsatutakoa lortu zuten, 19-34 menderatu zuten Bada Huesca

19 – Bada Huesca (8 + 11): Jorge Gómez (p.), Camas (4), Adrian Pérez, Ostojic (1), Mota (4) Carró (1), Félez (4); Dani Arguillas (p.s.), Val (2), Oier García (1), Zungri, Malo (2).

34 – Bidasoa Irun (16 + 14): Ledo (p.), Zabala (3), Kauldi Odriozola (8), Esteban Salinas (4), De la Salud (3), Rodrigo Salinas (6), Rudy Seri (1); Rangel Luan (p.s.), Cavero (1), Aldaba (1), Serrano (2), Barthe (2), Renaud (3), Tesoriere. 

Asobal Ligako postu nagusietan kokatzeko lehian sekulako aurrerapausua eman zuen atzo Bidasoak Hueskan. Talde irundarrak neurketako lehen minututik bere legea ezarri zuen beti ere defentsako lan bikaina burutuz eta Xoan Ledoren geldiketei esker. Indar handia erakutsi zuen lehen minutuetan, hainbesteko izan zen 20.minutuan 4-15 alde zutela markagailua. Une hartatik aurrera, Bada Huescak bere lekua berreskuratu zuen eta Bidasoaren defentsa hobe erasotzea lortu zuten, defentsa 5:1era aldatu zuten eta Leo Renauden bi minutuko kanporatze bat baliatu zuten markagailuan 7-15 hurbiltzeko. Badaezpada, 27.minutuan Jacobo Cuetarak hutsartea eskatu zuen berriro ere taldea neurketan kokatzeko. Azkenean, lehen zatia bukatuta markagailuak 8-16koa adierazten zuen Bidasoaren alde.

Atsedenalditik bueltan, talde irundarra lehen zatian bezain indartsu atera zen zelaira. Bidasoak ez zuen asmorik partiduan zehar zailtasunak izateko eta beraz, berriro ere defentsan hortzak estutu zituzten erasoan gol errazak eskuratzeko. Eta hala izan zen, zailtasun gutxi izan zituen Bidasoak. Jacobo Cuetarak taldea eroso zegoela baliatu zuen gauza berriak probatzen hasteko, horren adibidea da, Paco Barthek eta Kauldi Odriozolak euren ohiko postuetatik at jokatu zuten minutu kopuru mordoa.

Bi puntu sendo hauekin, 19-34 amaieran, Bidasoa Asobal Ligako bigarren sailkatua izaten jarraitzen du Balonmano Logroño La Rioja bi puntutara dutelarik. Atzerago bost puntutara Abanca Ademar de Leon aurkitzen da hirugarren postuan eta sei puntutara Fraiking Granollers sailkapeneko seigarrena da. Bidasoaren hurrengo lehia asteazkenean Amenabar Zarautzen aurka izango da, Hondarribian Amenabar Zarautzen aurka Euskal Kopako finala jokatuko dute. Ligari dagokionez, Asobal Liga Artalekura datorren igandean 12:00etan bueltatuko da denboraldia bukatzeko lau jardunaldi geratzen direnean.  

BERDINKETA GAZI GOZOA GUADALAJARAN
Eskubaloia

BERDINKETA GAZI GOZOA GUADALAJARAN

Bidasoak puntu bat galdu du Guadalajaran 26-26 berdindu ostean. Lehen zati bikaina burutu zuten, baina bigarrenean etxeko taldeak berdintzea lortu...

GARAIPEN BOROBILA SUEDIAN
Eskubaloia

GARAIPEN BOROBILA SUEDIAN

Bidasoak izugarrizko neurketa jokatu zuen IK Savehofen aurka (24-33). Sekulako lehen zatia burutu zuten irundarrek eta lortutako abantaila bigarren zatian primeran...

AZKEN SEGUNDUAN GARAIPENA
Eskubaloia

AZKEN SEGUNDUAN GARAIPENA

Bidasoak neurketako azken jokaldian Recoletas Atletico Valladolid garaitu zuen, neurketan aurretik egon ziren une bakarra. Oso indartuta ateratzen da Bidasoa...

JACOBO CUETARA 2022ra ARTE
Eskubaloia

JACOBO CUETARA 2022ra ARTE

Kirol emaitzek abalatuta, Ribadasellako entrenatzailea eta Bidasoar batzen dieten kontratua 2022ra luzatzeko adostasunera iritsi dira

Jacobo Cuetara...

ERAKUSTALDIA ETA LIDERGOA
Eskubaloia

ERAKUSTALDIA ETA LIDERGOA

IK Savehofek ere Artalekutik porrotarekin bueltatu zen Suediara, ordurarte multzoko liderra zena, aise garaitu zuen Bidasoak (39-23)

39 – Bidasoa...

PUNTU IKARAGARRIA LISBOAN
Eskubaloia

PUNTU IKARAGARRIA LISBOAN

Bidasoak Velux EHF Champions Leaguen 100.neurketa jokatzen zuenean, balio handiko puntua eskuratu zuen multzoko talderik zailenaren aurka (30-30)

30...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika