BIDASOAKO ATLETIKO TALDEA ESPAINIAKO ZAZPIGARRENAK

B.A.Teko neskak izugarrizko maila erakutsi zuten larunbatean Donostiako Antonio Elorza Belodromoan ospatu zen aretoko Espainiako Txapelketan. Historian lehen aldiz Super Amara Bidasoa Atletiko Taldeko neskak Espainiako maila gorenean lehiatzen ziren, eta txapelketa garrantzitsu honetan oso debut oparoa izan zuten.

Proba bakoitzean puntuak borrokatuz merituzko zazpigarren postua eskuratzea lortu zuten, aurreikusten zen zortzigarren postua ekidinez.

Hauxe izan zen txapelketako sailkapena puntu guztiak banatu ondoren: 1- Valencia Esports →79 puntu

2- FC Barcelona→ 77 puntu

3- Playas de Castellón→ 75 puntu

4- Grupoempleo Pamplona→ At. 54 puntu

5- AA Catalunya→ 49 puntu

6- Atlético San Sebastián→ 48 puntu

7- SUPER AMARA BIDASOA ATLETIKO TALDEA→ 43 puntu

8- A. D. Marathon de Madrid→ 41 puntu

Talde lan izugarria izan bazen, arlo pertsonalean ere B.A.Teko atletek saio ikaragarriak burutu zituzten, esanguratsuenak, Teresa Errandoenearen lehen postua eta Malen Ruiz de Azua eta Tessy Eboseleren bigarren postuak.

Hauek izan ziren B.A.Teko atletek egindako markak eta eskuratutako postuak:

• Teresa Errandoneak garaipena lortu zuen hesien 60 metroetan 8.37 segunduko denborarekin.

• Malen Ruiz de Azuak bigarren izan zen pertika saltoan, 4.35 metroko langa gaindituz.

• Tessy Eboselek bigarren sailkatu zen salto hirukoitzean, 13.26 metro saltatuz.

• Aratz Rodriguez bostgarren izan zen 1500 metroko proban 4’44’’33ko denborarekin.

• Naroa Furundarena seigarren postua eskuratu zuen luzera jauzian 5.36 metroko marka eginez

• Nerea Sasiainek zazpigarren postuan bukatu zuen 400 metroko proban 57.91 segunduko denbora eginez

• Clara Viñarasek ere zazpigarren postuan amaitu zuen 3000 metroko proba. Bere marka 10’11’25ekoa izan zen.

• Junkal Etxegarayk 200 metroetan 25.94 segundurekin bere serieko hirugarrena izan zen eta sailkapen globalean zazpigarren bukatu zuen.

• 2003an jaiotakoa den June Lizasok zazpigarren postua eskuratu zuen altuera jauzian. 1,45 metroko langa jauzi zuen.

• Libe Agirre ere zazpigarrena izan zen pisu jaurtiketan 10.46 metro jaurtiz.

• 4x400 metroko erreleboetan Alazne Garridok, Nerea Sasiainek, Junkal Etxegarayk eta Hiart Ibargurenek 3’58’’48ko denborarekin zazpigarrenak izan ziren.

• 2’24’’37ko denborarekin Nerea Sarriegik zortzigarren postuan bukatu zuen 800 metroko proban.

• Ana Gomezek 60 metro leunetan zortzigarren postua lortu zuen ere, 8.02ko denborarekin.

Bidasoa Atletikoko kideek aitortu duten bezala, “oso pozik gaude larunbat honetan erakutsi dugun errendimenduarekin, hare gehiago, gure filosofia nolakoa den kontutan izanda. 14 atletetatik 12 gipuzkoarrak dira, eta zortzi harrobikoak”. 

IKER AROZENA URREA LUZERA JAUZIAN

Madrilen ospatu zen 20 urtez azpiko Aretoko Espianiako Txapelketan urrezko domina esuratu zuen luzera jauziko proban, 7m14ko markarekin

ASTEBURU ITZELA BIDASOA ATLETIKO TALDEARENTZAT

B.A.T-ek antolatutako Ford Vertiz Maratoi Erdia eta Urbycolan 10km-etako lasterketa indartu zen; Antequeran jokatutako Espainiako Aretoko Atletismo txapelketan ere...

BIDASOAKO ATLETIKO TALDEA ESPAINIAKO ZAZPIGARRENAK

B.A.Teko neskak izugarrizko maila erakutsi zuten larunbatean Donostiako Antonio Elorza Belodromoan ospatu zen aretoko Espainiako Txapelketan. Historian lehen aldiz Super Amara Bidasoa Atletiko...

IRUNGO ERDI MARATOIA PREST DA

Urteak daramatza Bidasoako Atletismo Taldeak Irunen lasterketak antolatzen, baina aurreko urtetik erdi maratoiaren dimentsioa duen lasterketa bat antolatzen hasi dira. Bigarren urtez jarraian,...

ESPAINIAKO 8 ONENEN ARTEAN LEHIATZEKO TXARTELA JASO DU BAT-eko NESKEN TALDEAK

Zoriontsu hasi du Bidasoa Atletiko Taldeak 2019 urte berri hau. Lehiaketan geroz eta indartsuagoak direla erakutsi dute eta horren ondorio nagusia jaso berri duten albistea izan da. Erreginaren...

Urterik onena borobildu dute BATeko emakumeek

Ohorezko Mailan jarraituko du Super Amara BATeko emakumeen talde nagusiak, hirugarren urtez jarraian. Iaz ez bezala, aurten emakumeek ez dute gehiegi sufritu behar izan, mailari eusteko. Laugarren...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika