Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
16 Abe, 2015
BIDASOA: Zubiria, Cavero, Vazquez (3), Cristian (4), Beltza, Portero (1), Azkue (5). Dejanovic, Crowley (8), Villar (2), Mouriño (1), Davidovic (5), Gomez (1), Rincón.
ANAITASUNA: Lorger, Gastón (5), Costoya (7), Del Valle, Goñi (4), Ugarte, Castro (1). Hernández, Bazán (1), Garza, Etxeberria, Nadoveza (5), Chocarro (2), Hinestrosa, Fernándes (6).
MARKAGAILUA: 3-2, 5-5, 8-7, 10-10, 13-13, 16-15 (atsedenaldia); 18-17, 21-19, 24-22, 25-26, 27-28, 30-31.
Errege Kopatik kanpo gelditu da Bidasoa-Irun, Iruñeko Anaitasunaren aurka Artalekun galdu ondoren. Irundarrek Valladolid liderraren etxean jokatuko dute larunbatean ligan, eta neurketa horren garrantziak eragina izan du kopako final zortzirenetako kanporaketan. Fernando Boleak min hartutako jokalariak gorde ditu, eta filialeko David Rinconi eta Iñigo Gomezi eman die jokatzeko aukera. Gainerako jokalarien artean ere aldaketa dezente egin du, indarrak erreserbatze aldera. Hala ere, Anaitasunari aurre egin eta norgehiagoka ona jokatu du Bidasoak. Aurrean Asobaleko arerioa izanagatik, hazi egin dira etxekoak. Gogor hasi dira, 5-1eko defentsarekin, eta bi goleko abantaila lortu dute laugarren minuturako (3-1).
Pixkanaka, lehen minutuetako presioa gainditzea lortu du Anaitasunak, eta indarrak orekatu egin dira. Hogeigarren eta hogeita bosgarren minutuetan, markagailuak berdinketak irudikatu ditu. Bidasoak abantaila hartu du atsedenaldiaren aurretik, Iñigo Gomez filialeko jokalariak eskuin hegaletik sartutako golari esker (16-15). Bigarren zatian indartsu irten da talde nafarra, eta buelta eman dio markagailuari (16-17). Ondoren, irundarren momenturik onena heldu da. Erasoan fin ibili dira, eta aurkariak penaltiak eginez gelditu behar izan ditu. Crowley espezialistak ez du hutsik egin, eta bi gol sartu ditu zazpi metroko lerrotik. Azkuek borobildu du segida, kontraerasoan. 23-20koa sartu du, 43.minutuan.
Hala ere, laster galdu du Bidasoak abantaila. Jokalari bat gutxiagorekin aritu behar izan du hurrengo minutuetan, eta Anaitasunak ez du aukera alferrik galdu. 24-25koa sartu du 48.ean. Etxekoek ez dute amore eman, eta beste lau aldiz berdindu dute markagailua. Baina 58.minutuan, Bidasoaren eraso batean baloia lapurtu eta bi goleko aldea lortu du Anaitasunak (28-30). Defentsa irekita azken ahalegina egiten saiatu da Bidasoa, baina ezin izan du porrota ekidin. Bost jokalarirekin egin ditu, gainera, azken jokaldiak, Cristian Martinez kanporatu baitu epaileak 59.minutuan. Anaitasunak egin du aurrera Errege Kopan, eta final laurdenetan egongo da. Bidasoak, berriz, Ohorezko B Mailako ligan jarriko du arreta, Asobal Ligara bueltatzea helburu.
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...
CD Bidasoak, bi urteren buruan, aukera izanen du bi jokalariak berreskuratzeko
CD Bidasoak jakinarazi duenez, Ohorezko Mailako EON Horneo Alicante...
Barçaren kontra 28-32 galdu ondotik, denboraldia agurtu zuen talde horiak
Bidasoa Irunek ezin izan zuen Barça garaitu Errege Kopako finalerdietan....