DENBORALDIKO LEHEN BANDERA ZIERBENAKO URETAN
Arrauna

DENBORALDIKO LEHEN BANDERA ZIERBENAKO URETAN

"Ama Guadalupekoa" k irabazi du XXXVII. Petronor Bandera lehen txandatik erakustaldi bikaina egin ondoren. Emakumezkoetan Hondarribitarrak azken postuan bukatu dute

Go Fit Hondarribiak erakustaldia eman du lehen txandatik. Aurreko eguneko arantza kendu nahian, hasieratik erlojuaren aurkako lana egin behar izan du, aurkariak atzean utziz. Denborak gora egin du pixkanaka eta azkenean 19:43.92ko denbora ezartzea lortu du Mikel Orbañanosen eskifaiak. Lehen txandatik egindako denbora ezin izan dute beste traineruek hobetu, eta "Ama Guadalupekoak" denboraldiko bigarren garaipena lortu du, denboraldiko lehen bandera. Aresek hondarribitarren erritmoari eutsi nahi izan dio, baina ezinezkoa izan da eta 20:14:20ko denbora egiten bukatu du. Kaiku Vusak Ondarroa gainditu du azken metroetan eta 3 puntu lortu ditu sailkapenean, 20:19:88ko denbora eginez. Ondarroa Cikautxo galiziarrekin lehiatu da, eta segundo pare batera hurbildu arren, ezin izan du Galiziako trainerua gainditu, eta Kaikuk gainditu du helmugan. 20:21.92ko denbora eginez eguneko azkenaurreko sailkatuak izan dira.

Ohorezko txanda hasi aurretik, bazekiten hobetu beharreko denbora Go Fit Hondarribiak lehen txandatik ezarri duena zela. Santurtzik bazekien, eta hasieratik erritmo handia ezarri du. Hala, Donostiarra Soterarekin parean egon den arren, bakarkako lana egin behar izan dute bigarren luzetik aurrera. Azken ziabogan Ama Guadalupekoarekin batera zeuden arren, azkenean 19:47:98ko denborarekin ezin izan dute Petronor Bandera irabazi, baina sailkapenerako garrantzitsuak izango diren puntu batzuk lortu dituzte. Horiei esker, Eusko Label Ligako lidergoan jarraitzen dute. Donostiarrak, aldiz, ezin izan dio liderraren erritmoari eutsi bigarren lan erditik aurrera eta azkenean 20:03:66ko denboran gelditu dute kronometroa. Hirugarren posturako lehian, Lekittarra Elecnorrek aurrea hartu dio Oriori, eta bizkaitarrek jarraipena eman diote atzoko lan onari, 20:10:30eko denborarekin. Hala ere, oriotarrak 20:12:10eko denbora lortu dute, eguneko zortzigarren denborarik onena.

Bigarren txandan, ezin izan dute lehen txandakoen denborak hobetu. Lan ikusgarria egin dute Zierbena Bahías de Bizkaiak eta Bermeo Urdaibai Aviak. Biek ikuskizun bikaina eskaini dute. Bien artean, aldea ez da hiru segundo baino gehiagokoa izan, eta azkenean, azken luzean hartutako olatuei esker nagusitu dira etxekoak. Helmugan, 19:48:22ko denbora egin du Zierbenak, Bou Bizkaiak baino bi segundo azkarrago 19:50:88. Atzetik, Cabok lehen bi ontzien erritmoa galdu du eta bakarrik ekin dio lanari eta 20:11:24ko denbora ezarri dute. Azkenean, Zarauzko ‘Enbata’ igo berriak lehen txandan aritutako aurkarien denboren jakitun hauek hobetzen saiatu dira. Estropada osoan zehar Kaikuren denboretan ibili den arren, Zarautz Babyautok 20:27:80ko denborarekin bukatu du, sailkapeneko azken postura jaitsiz. 

Emakumezkoetan, Hondarribia azkenak

Estropada ohi bezala hasi da, Orio buru zela, eta bertan mantendu da ziabogara iritsi arte. Itzuleran, ordea, olatuak aprobetxatzen jakin du Donostiarrak, eta lau segundoko aldea lortu arren, helmugan ia bi segundoko aldea lortu du. 10:50:44 izan da Donostiarraren denbora eta 10:52:08 Oriorena. Atzeko aldean, berdin gertatu da. Donostia Arraun Lagunak ziabogara atzetik iritsi arren, hondarribitarrak gainditzea lortu dute, eta estropadan zehar sei segundoko aldea izan duten arren, bi ontziak ia segundo bateko tartean helmugaratu dira. Donostia Arraun Lagunakek 11:05:30eko denbora egin du, eta Hondarribia Bertako Igogailuak 11:06:64ko denbora. Sailkapenean, Oriok lehen postuan jarraitzen du 15 punturekin, Donostiarra bigarren da 11rekin, eta Donostia Arraun Lagunak eta Hondarribia Bertako igogailuak daude azken bi postuetan 7 punturekin. 


DENBORALDIKO LEHEN BANDERA ZIERBENAKO URETAN
Arrauna

DENBORALDIKO LEHEN BANDERA ZIERBENAKO URETAN

"Ama Guadalupekoa" k irabazi du XXXVII. Petronor Bandera lehen txandatik erakustaldi bikaina egin ondoren. Emakumezkoetan Hondarribitarrak azken postuan bukatu...

HELENE SAGARZAZU ETA NAROA ZUBIMENDIK URREZKOAK
Arrauna

HELENE SAGARZAZU ETA NAROA ZUBIMENDIK URREZKOAK

Santiagotarrakeko arraunlariak lehenak izan dira distantzia luzeko aulki mugikorreko Espainiako txapelketan. Hondarribia Arraun Elkarteko Itxaso Goikoetxeak eta...

HONDARRIBIKO XX.JEITSIERAN ETXEKO TRAINERUA GARAILE
Arrauna

HONDARRIBIKO XX.JEITSIERAN ETXEKO TRAINERUA GARAILE

Hondarribiko ‘A’ trainerua eguneko azkarrena izan da gizonezkoetan, emakumezkoetan ordea, Arraun Lagunak izan dira lehenak eta etxeko trainerua bostgarren...

HONDARRIBIKO BI TRAINERUAK ONENEN ARTEAN DATORREN DENBORALDIAN
Arrauna

HONDARRIBIKO BI TRAINERUAK ONENEN ARTEAN DATORREN DENBORALDIAN

Eusko Label eta Euskotren Liga bukatu zen atzo Portugaleteko uretan. Kontxako Banderarena izan zen gizonezkoen azken lorpena, eta emakumezkoetan maisuki eutsi zioten...

BESTE URTE BATEZ KONTXA BERDEA BILAKATU ZEN
Arrauna

BESTE URTE BATEZ KONTXA BERDEA BILAKATU ZEN

Hondarribia Arraun Elkarteak bigarrenez jarraian Kontxako Estropadaren garaile bilakatu ziren igandean. Bi igandetan lehen postuan bukatuta, arraun munduko bandera...

KONTXAKO LEHEN KOLPEA HONDARRIBIAK EMAN DU
Arrauna

KONTXAKO LEHEN KOLPEA HONDARRIBIAK EMAN DU

Hondarribiak 19’19’’88ko denbora lortuta Kontxako Estropadako lehen jardunaldian nagusitu da Oriori bost segunduko abantaila sartuz. Emakumezkoetan...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika