ERAKUSTALDIA ETA LIDERGOA
Eskubaloia

ERAKUSTALDIA ETA LIDERGOA

IK Savehofek ere Artalekutik porrotarekin bueltatu zen Suediara, ordurarte multzoko liderra zena, aise garaitu zuen Bidasoak (39-23)

39 – Bidasoa Irun (18+21): Xoán Ledo (p.), Cavero, Crowley (1), Esteban Salinas (3), Rodrigo Salinas (7, 2 penalti), Azkue (8, 1p), Rudy Seri (4); Rangel Luan (p.s.), Orbović, Zabala (4), Odriozola (3), Serrano (3), De la Salud (1), Renaud-David (5, 1 p.), Tesoriere eta Matheus da Silva.

23 – IK Sävehof (12+11): Björgvinsson (p.), Aga Eck (1), Brännberger (1), Salihi (3), Sunajko (1), Edvardsson (3), Karlsson (4, 1 penalti); Berlin (2), Koncz (1), Blanche (5), Wedberg (1 p.), Möller (p.s.), Bogojevic eta Spante (1). 

Eguerdian sekulako garaipena eta emanaldi garrantzitsua eman du Bidasoak IK Savehof talde suediarra 39-23 garaituz, bi puntu hauekin, berriro ere C multzoko lidergora bueltatzen da Jacobo Cuetararen taldea. Garaipen sendoa lortu arren, lehen zatia nahiko berdindua izan zen. Atsedenaldira sei goleko errentarekin iritsi zen Bidasoa, baina lehenago, neurketako errentak estuagoak ziren. 21.minutuan Mikel Zabalak 13-8koa ezarri zuen, ondoren kanpoko taldea 14-12ra hurbildu zen 24.minutuan, baina ordutik Bidasoak norgehiagokako agintea hartu eta esan bezala, sei goleko abantailarekin lehen 30 minutuak amaierara iritsi ziren.

Bigarren zatian, Bidasoak sekulako defentsa burutu zuen, lehen bost minutuetan ez zuen golik jaso, Xoan Ledok beste behin bikain defendatu zuen talde irundarraren atea. Savehofek gola sartu zuenerako Bidasoaren errenta zortzi goletara igo zen (21-12, 34.minutuan), berandu edozein erreakziorako. Talde irundarra oso eroso zebilen Artalekuko kantxan eta abantailak areagotuz joan ziren neurketa 39-23 bukatu arte, 16 goleko errenta ordura arte multzoko liderra zenaren aurka. Bidoasoak momentuz egiten ari den denboraldia txapela kentzekoa dudarik gabe. Neurketako jokalaririk nabarmenenak Jon Azkue eta Rodrigo Salinas izan ziren, zortzi eta zazpi gol erdietsi zituzten hurrenez hurren.

Neurketa honekin Velux EHF Champions Leagueko multzoko fasearen lehen itzulia bukatu da eta Bidasoa 9 punturekin multzoko posturik gorenean aurkitzen da. Lehiaketa datorren urriaren 30ean itzuliko da, Bidasoak beti zaila den Valladoliden kantxan jokatuko du orduan, izan ere, aste honetan selekzioen txanda izango da. Jon Azkue, Kauldi Odriozola eta Xoan Ledo Espainiako selekzioarekin arituko dira eta Matheus Da Silva eta Rangel Luan Brasildarrarekin. 

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”
Eskubaloia

JACOBO CUETARA: “ANAITASUNAREN KONTRAKO DERBIA BETI OSO PAREKATUA IZATEN DA”

Bidasoa Irunen ortzirale honetan (martxoaren 29an) jasoko du etxean Anaitasuna, euskal derbia jokatzeko

Bidasoa Irun etxera bueltatuko da asteburu...

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN
Eskubaloia

AGUSTINOS ALICANTE IZANEN DA BIDASOAREN AURKARIA ERREGE KOPAKO KANPORAKETAN

Apirilaren 10ean ospatuko dute bi taldeek hirugarren kanporaketa partida bakarrean

Agustinos Alicante izanen da Bidasoa Irunen aurkaria apirilaren 10ean...

BIDASOAK PORROTA JASO ZUEN NAVAN
Eskubaloia

BIDASOAK PORROTA JASO ZUEN NAVAN

Bigarren zatian aukera izan zuen talde horiak puntuak eskuratzeko, baina azkenik gol bakarrarengatik ihes egin zion garaipenak

Bidasoak ezin izan...

HONDARRIBIA ESKUBALOIAK BERE ZUZENDARITZA BATZORDEA BERRITU DU
Eskubaloia

HONDARRIBIA ESKUBALOIAK BERE ZUZENDARITZA BATZORDEA BERRITU DU

Ibilbide berri honetan, CD Bidasoako presidenteak, Gurutz Aginagaldek, bere babesa adierazi nahi izan du eta 2019ko udatik dauden harremanak...

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”
Eskubaloia

JACOBO CUETARA: “SENDO AZALDU BEHAR GARA, DEFENTSAN ONGI EGON ETA KONSTANTE IZAN”

Bidasoa Irunek Viveros Herol BM Nava taldea bisitatuko du larunbatean 21:00etan

Bidasoa Irunek Plenitude ASOBAL Ligari segida emanen dio asteburu...

BM BIDASOA IRUN EUSKADIKO JUBENIL TXAPELKETAKO TXAPELDUNORDE
Eskubaloia

BM BIDASOA IRUN EUSKADIKO JUBENIL TXAPELKETAKO TXAPELDUNORDE

Irundarrek Balonmano Barakaldo A taldea izan zuten aitzinean finalean, eta 24-23ko markagailuarekin irabazi zuten bizkaitarrek

Euskadiko Jubenil...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika