28 Api, 2015
ERROIBIDE: Izaro Alza (12), Leticia Martinez (10), Maialen Ramirez (2), Estrella Gonzalez (2), Saioa Altzaga (18), Leire Oregi (9), Saray Arozena (4), Nerea Saenz (7).
Ligako azken partida galdu zuen larunbatean Emakumeen Lehen Mailako Erroibide-Irunek, Artaleku kiroldegian. Garaipen kopuru berdina zuen Gernikak mendean hartu zuen. Hasieratik hartu zuten agintea bizkaitarrek. Bigarren laurdenean, presioari etekina atera zion kanpoko taldeak, eta partidako abantailarik handiena lortu zuen atsedenaldirako (29-40).
Hirugarrenean, berriz, etxekoak izan ziren protagonista. Defentsan estutu, eta kontraerasoan min handia egin zioten Gernikari. Azken hamar minutuak hasi aurretik, 47-50ekoa zen emaitza. Intentsitatea mantendu zuten bi taldeek laugarren laurdenean ere. Minutu bakarra falta zenean 60-63 galtzen ari zen Erroibide. Irundarrek huts egin zuten azken erasoetan, eta Gernikak irabazi zuen Artalekun.
Hamabigarren bukatu du liga Erroibidek, jaitsiera postuekin mugan. Zortzi neurketa irabazi eta hemezortzi galdu ditu. Denboraldiko arazo handiena, jokalari gutxirekin aritu dela norgehiagoka gehienetan. Behar horri erantzuten ahaleginduko da elkartea hurrengo denboraldiari begira.
Erroibidek ezin izan du denboraldiko laugarren garaipena erdietsi, neurketa berdindu batean, Leioako Askartza taldeak 64-69 irabazi du.
Hiru hilabete...
Hiru hilabete geldirik egon ostean, lehiaketa utzi zuten bezala bueltatu dira irundarrak, garaipenarekin alegia. Cafeteria Tartalo Ibaizabelen aurka 71-86 gailendu...
Neurketa zail batean, azken laurdenean Erroibidek denboraldiko bigarren garaipena erdietsi du eta sailkapeneko lider berri bezala kokatu da...
Ostiralean Hazparneren jaso zuten Irandatzen eta aise 78-59-ko garaipena erdietsi zuten; igandean, bestalde, Merignac 80-56 garaitu zituzten.
Ez ohiko...