1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...
03 Api, 2016
REAL UNION: Txusta, Azkoiti, Aimar, Esnaola, Morcillo (Iriondo, 46'), Alonso, Urkizu (Urbieta, 76'), Mujika, Romo, Eizmendi, Barrón (Iriarte, 63').
GETAFE B: Olmedo, Miguel (J.Hernández, 65'), Ferrán, Villalón, Carrillo, Bispo, Chavales, Del Pozo (Ian González, 67'), Ziga (Iván, 79'), Astray, Ramirez.
GOLAK: 0-1: Astray (41'). 0-2: Ramírez (74').
EPAILEA: Vicente Moral. Txartel horiak: Aimar, Esnaola (Real Union); Villalón, Bispo (Getafe B).
Hirugarren sailkatuak azkena hartu du Stadium Galen. Berdegunean, ordea, sailkapeneko aldearen arrastorik ez da izan. Etxeko taldeak lehen minutuetan besterik ez du neurketaren agintea eduki. Intentsitate handiarekin irten da Real Union, eta estu hartu du Getafe B. Bi abagune argi eduki ditu Urkizuk, baina agerian gelditu da ohiko lekutik kanpo jokatzen ari zela. Ez du aurrelariaren senarik erakutsi.
Alain Barronek ere beste bi bider izan du gola gertu. Lehenengoan atezainaren kontrako buruz-burukoa eduki du, urrutitik egin du jaurtiketa, eta huts egin du. Bigarrenean, burukada erraza kanpora bidali du. Lehenengo ordu erdian pilatu dira Unionek abagune guztiak. 37.minutuan Astrayren gola ekidin du Txustak, kontraeraso batean. Hurrengoan, ordea, aurrelariak asmatu du, eta abantaila eman dio Getafe Bri. Aurrerantzean, itxura hobea eman du kanpoko taldeak.
Bigarren zatia hasi bezain pronto, geldiketa bikoitza egin du Txustak, bigarren gola ekiditeko. Real Unioni gainera zetorkionaren aurrerapena izan da. Taldeak iparra galdu du, eta hautsi egin da. Ez da gol aukera bakarra ere sortzeko gai izan. 74.ean, beste kontraeraso batek norgehiagoka erabaki du. Bigarren gola jaso ondoren ere, txuribeltzek ez baitute erreakziorako gaitasunik izan. Min hartutako jokalariak lehenbailehen osatu daitezen behar du Real Unionek. Bestela, kostako zaio play off-erako txartela lortzeko behar dituen puntuak eskuratzea.
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...
Sestaok sartutako bi penaltiekin, 3-1eko emaitzarekin galdu zuen Real Unionek
Real Unionek porrota jaso zuen pasa den larunbatean Las Llanas...
Real Unionek bihar bisitatuko du Sestao River (20:00), zalerik gabe jokatuko den neurketa ospatzeko
Real Unionek, pasa den asteburuko garaipena...
Alex Cerdák sartutako golari esker, hiru puntuak etxean gelditu ziren
Urtarriletik garaipenik batu gabe egon ondotik, Real Unionek Cornella garaitu...