Husnakoarekin hasi da Real Union Federazio Kopako txapela defendatzen
Futbola

Husnakoarekin hasi da Real Union Federazio Kopako txapela defendatzen

REAL UNION: Tena, Morcillo, Ismael, Esnaola, Ribera, Martins, Alonso (Endika, 68'), Mujika, Ozkoidi, Patxi (Aimar, 75'), Galán (Barrón, 62').

RAYO MAJADAHONDA: Miguel Angel, Raul Sergi, Pesca, Iñaki (Adan, 69'), Arranz, Frutos (Kike, 57'), Carco (Fabry, 68'), Acha, Blanco, Felix.

Final hamaseirenetan ekin dio Federazio Kopako txapeldunak lehiaketari. Rayo Majadahonda hartu du Real Unionek joanekoan, Stadium Galen. Ezin izan du abantaila hartu, eta Madrilen saiatu beharko da kanporaketa erabakitzen eta aurrera egiten. Aitor Zulaikak atsedena eman nahi izan die ligako hamaikakoetan ohikoak izaten diren jokalariei. Baina lesioen ondorioz, iraultza handirik ere ezin izan du egin taldean. Neurketa orekatua izan da lehen zatian. Unionek izan du baloiaren jabetza izan duen arren, ez du Rayo gehiegi estutu. Mujikak izan du lehen aukera, baina gora bidali du baloia. Antzeko abagunea izan dute kanpokoek hiru minutu beranduago. Rayo gero eta erosoago aritu bada ere, azken abisuak txuribeltzek eman dituzte. Ozkoidiren jaurtiketak langan jo du lehenengo, eta Patxirena atezainak urrundu du gutxigatik.

Bigarren zatian gero eta hobeto ibili da Real Union. Tarte txar bat izan du, Rayok arrisku dezente sortu baitio. Kikeren jaurtiketa izan da aukerarik onena, eta Tenak aldendu du, ozta-ozta. Aldaketekin sendotu egin da talde txuribeltza, eta gol aukera sorta ederra izan du neurketaren azken txanpan. Jokaldi bakarrean Morcillok, Barronek eta Ozkoidik izan dute gertu gola. Azkena izan da jaurtiketa egin duen bakarra, baina defentsak urrundu du. Ozkoidik berak jokaldi ederra egin du 38.minutuan. Gehiegi luzatu du, ordea, eta berandu egin du jaurtiketa. Defentsak kanpora atera du baloia, eta ondorengo kornerrean, Aimar Sagastibeltzak eduki du abagunea. Beste bi aldiz izan du gertu gola Unionek. Riberak ateratako faltarekin lehenengo, eta Endika Etxeberriaren jaurtiketarekin, luzapenean. Atezainak ekidin du gola bi aukeretan. Husnakoarekin, itzuliko neurketan gola sartzera behartuta egongo da Real Union.

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika