HUTSEK BIDASOA BIGARREN EMAITZEN ZAIN UZTEN DUTE
Eskubaloia

HUTSEK BIDASOA BIGARREN EMAITZEN ZAIN UZTEN DUTE

26 - Liberbank Cuenca: Leo Maciel (Kilian Ramírez); Dutra (4, 1p), Doldán (4), Baronetto (3), Óscar Río (1p), Sergio López (2), Ángel Montero (4); David Mendoza, Hugo López, Moscariello (1), Thiago Alves (6), Nolasco y Eskericic (1).

25 - Bidasoa Irún: Rangel (Ledo); Cavero (6, 1p), Crowley (2), Esteban Salinas (1), Barthe, Sergio de la Salud (4), Thomas Tesoriere; Mikel Zabala, Iker Serrano (4), Leo Renaud (1), Rodrigo Salinas (6) y Azkue (1). 

Boladetakoa izan zen atzo El Sargalen jokatu zen partidua. Bidasoak Rudi Seriren eta Kauldi Odriozolaren bajekin bidaiatu zuen Cuencara Asobal Kopan sailkatzeko behar zuen puntua eskuratzeko eta azkenean, partidu osoan egindako hutsek bi puntuak etxean geratzea baimendu zuten.

Norgehiagoka Angel Montoreren bi golekin hasi zen. 2 metro eta 10 zentimetro neurtzen duen jokalariak erraz lortu zuen Rangelen atea zulatzea, baina bostgarren minutura 2-4ko markagailuarekin iritsi zen, Sergio de la Saludek eta Adrian Crowleyk partidua berdindu zuten. Hasiera ona izan zuen Bidasoak norgehiagokan, izan ere, hiru minutu geroago, irundarrek partidan izango zuten errentarik handiena lortu zuten (3-6).

Baina hurrengo minutuetan, LiberBank Ciudad Encantadaren defentsak aurrera egin zuen, Bidasoaren erasoak ez zuen funtzionatzen eta Dutra eta Thiago Alves brasildarren golek markagailuari buelta eman zioten 15.minutuan (8-7) eta honekin batera, Jacobo Cuetararen hutsartea.

Normalean, hutsarteak eskatu ondoren taldearen erreakzioa iristen da, baina kasu honetan norgehiagoka berdin jarraitzen zuen, arazoak erasoan eta defentsan. Azken alor honetan, Tesorieren bi minutuko kaleratzearekin areagotu ziren eta etxekoek beste bi gol eskuratu zituzten. Defentsako arazoak konpondu nahian, Bidasoaren entrenatzaileak 5 eta 1eko defentsa ezarri zuen, Mikel Zabala defentsaren aurrealdean jarriz, eta orduan bai, taldeak erreakzionatu zuen. Rodrigo Salinasek, Iker Serranok eta Iñaki Caverok eskuratutako golen bitartez, 0-3ko partziala lortu zuten eta markagailuan aurretik jarri ziren (9-10). Lidio Jimenez, kuenkatarren entrenatzaileak hutsartea eskatu zuen arren, Iñaki Caverok zazpi metroko jaurtiketa baten bitartez 10-12ko markagailua ezarri zuen 25.minutan. Ostera, azken unean etxekoek Bidasoak lortutako partzialari erantzun zien, hiru gol eskuratu zituen eta atsedenaldira 13-13ko berdinketarekin iritsi zen norgehiagoka.

Etenaldiaren ondoren, talde irundarrak arazo asko aurkitu zituen partiduaren erritmoa jarraitzeko. Mikel Zabala bi minutu kaleratu zuten eta LiberBank Ciudad Encantadak ongi baliatu zuen jokalari bat gehiagorekin jokatu zituen minutuak. Leo Dutrak, Asobal Ligako golegile nagusiak, bi gol sartu zuen eta hurrengo jokaldian Sergio Lopezek beste gol bat lortu zuen. Bigarren zatiko lehen hamar minutuak igarota, Cuetarak beste hustarte bat eskatzeko beharra ikusi zuen. Baina lehen zatiaren antzera, hutsarteak ez zuen bere funtzioa bete eta etxeko taldeak bost goleko distantzia hartu zuen markagailuan (21-16).

Eta norgehiagokako unerik zailena zirudienean, 0-4ko partzial berri bat lortu zuen Bidasoak, De la Salud eta Serrano protagonista zirelarik (21-20, 19.minutuan). Barthek, Caverok eta Esteban Salinasek Bidasoa aurretik jartzeko aukera izan zuten, baina ez zuten asmatu Kilian Ramirez atezain gaztearen aurrean. Thiago Alvesek ordea Rangel Luan gainditu zuen eta 23-21ko ezarri zuen partidua bukatzeko sei minutu faltan.

Dutra bi minutu kaleratu zuten epaileek eta Caverok eta Serranok norgehiagoka berdindu zuten (23-23). Thiago Alvesek enegarrenez Bidasoaren defentsa baino azkarragoa izan zen eta bere seigarren gola eskuratu zuen eta de la Sauldek eta Rangelek, euren zelaiatik, ez zuten asmatu atezainik gabe zegoen atean gola sartzen.

Bidasoak puntu bat lortzeko aukera handiekin iritsi zen, baina norgehiagoka amaierara iristeko minutu baten faltan, Baronettok 26-24ko markagailua jartzen zuen gola eskuratu zuen. Mikel Zabalak 15 segundu faltan gol bateko errenta jarri zuen eta Bidasoak baloia lapurtzeko gai izan zen arren, Sergio de la Saludek ezin izan zuen berdinketa lortu urruneko faltan baten bidez. Amaieran 26-25 etxeko taldearentzat.

Bidasoak denboraldiaren lehen erdira porrotarekin iristen da eta Bada Huescak Palau Blaugranan bi puntuak ez ateratzea itxaron beharko dute Asobal Kopako bileteetako bat lortzeko.  

LEO RENAUD-DAVID 2020ra ARTE
Eskubaloia

LEO RENAUD-DAVID 2020ra ARTE

Leo Renaud-Davidek (Amiens, 1987) beste urtebetez Bidasoaren kamiseta horia janzten jarraituko du 2020ko ekainaren 30era arte

Duela lau urte talde...

DENBORALDI GOGOANGARRI BATEN AMAIERA ONENA
Eskubaloia

DENBORALDI GOGOANGARRI BATEN AMAIERA ONENA

Sekulako atmosfera arnastu zen Artalekun, zalegoak izugarrizko agurra eman zion Bidasoari eta taldeak erantzun egin zuen denboraldiari garaipenarekin agur...

ASOBAL LIGAKO BIGARRENAK!
Eskubaloia

ASOBAL LIGAKO BIGARRENAK!

Denboraldia amaitzeko jardunaldi baten faltan, Bidasoak Logroñon historia egin du garaipenaren bitartez Asobal Ligako bigarren postua ziurtatu eta gero. 1993-1994...

ASOBAL LIGAKO BIGARREN POSTUAN JARRAITZEN DU BIDASOAK
Eskubaloia

ASOBAL LIGAKO BIGARREN POSTUAN JARRAITZEN DU BIDASOAK

 Bigarren itzuliko zazpigarren garaipena erdietsi zuen larunbatean Bidasoak 23-28 Secin Group Alcobendas mendean hartu eta gero 

Secin Group...

EUROPAN BARRENA LEHIATZEKO PUNTU BALIOTSUA
Eskubaloia

EUROPAN BARRENA LEHIATZEKO PUNTU BALIOTSUA

Neurketa estu batean 25-25 berdindu zuen atzo Bidasoak Quabit Guadalajararen aurka, puntu baliotsu bat Europan lehiatzeko borrokan

25 – Bidasoa Irun...

BIDASOAK INDAR HUTSEZ BERE LEGEA EZARRI ZUEN HUESCAN
Eskubaloia

BIDASOAK INDAR HUTSEZ BERE LEGEA EZARRI ZUEN HUESCAN

Bidasoa neurketa osoan zehar jaun eta jabe izan zen, lehen minututik paritdua haustera atera ziren eta pentsatutakoa lortu zuten, 19-34 menderatu zuten Bada...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika