Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
17 Abe, 2017
REAL UNION: Otaño, Estrada, Aimar, Ekhi, Urkizu, Rodellar, Alonso (Martins, 82'), El Haddadi (Hernaez, 63'), Juan Dominguez, Capelete (Letamendia, 71'), Galán.
RACING: Crespo, Corcoles, Castañeda, Gandara, De la Fuente, Granero, Oscar Fernandez (Rivero, 84'), Sergio Ruiz, Juanjo, Dani Aquino, Heber Pena (Badiola, 80').
GOLAK: 0-1: Granero (10'). 1-1: Galán (42'). 1-2: Sergio Ruiz (51'). 1-3: Oscar Fernandez (53').
EPAILEA: Galech Apezteguia. Txartel horiak: Galán, Juan Domínguez (Real Union); Corcoles (Racing).
Jose Luis Ribera entrenatzaileak ezin izan du Real Unionen beheraldia gelditu. Azken bi neurketak galduta, promozio postuan bukatu dute txuribeltzek ligako lehen itzulia. Zazpi jardunaldi daramatza Unionek irabazi gabe; lau porrot segidan. Azkena, Racing-en aurkakoa, Stadium Galen. Momentu onak eduki ditu Irungo taldeak, tarteka. Erasoan, batez ere, intentsitate handiarekin aritu da, eta abaguneak sortzeko gaitasuna erakutsi du. Defentsan, berriz, hutsuneak utzi ditu, eta ahul ibili da.
Lehen hamar minutuetan itxura ona eman ondoren, gola jaso du Real Unionek. Granerok abantaila eman dio kanpoko taldeari, burukada batekin. Kolpea jasota ere, irundarrek ez dute iparra galdu, lanean jarraitu dute, eta atsedenaldia iritsi aurretik, banakoa sartu du Galanek, El Haddadiren erdiratzea baliatuta. Jokaldi ona izan da, eta gola ederra.
Bigarren zatiaren hasieran, lehenengoan baino are itxura hobea eman du Real Unionek. Momenturik onenean, alabaina, bigarren gola jaso du, eta kolpea barneratzeko denborarik gabe, ia, hirugarrena. Real Unionen defentsako ahultasunari etekina atera dio Racing-ek, eraginkortasun handiarekin. Hortik aurrera, nagusi izan da Santanderko taldea. Eroso ibili da, eta mendean eduki du Union. Entrenatzaile aldaketak ez ditu kezkak uxatu, momentuz.
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...