Jarraipena izango du Zelaia lasterketa solidarioak

Bigarren aldiz egingo dute Zelaia lasterketa solidarioa, ekainaren 3an, 11:00etan. Ikusmenari eragiten dion Leber gaixotasun arraroa ezagutaraztea, eta haren ikerketarako dirua biltzea da ekimenaren xedea. Javier Placeres irundarra kaltetu zuen Leber-ek duela zenbait urte. Gaur egun, Asanol elkarteko zuzendaritza batzordeko kidea da, baita Zelaia lasterketa solidarioaren sustatzaile nagusia ere. C.D. Comarca Aldea elkartearen babesa jasotzen du antolakuntzarako.

Iazko lehen edizioaren balorazio baikorra egin dute Zelaia lasterketa solidarioaren antolatzaileek. 124 parte hartzaile eduki zituzten, eta pozik amaitu zuten ibilbidearekin eta giroarekin. Hortaz, formula errepikatuko dute aurten ere. Ekainaren 3an izango da lasterketa, igandearekin, 11:00etan hasita. 5,7km-ko ibilbidea osatu beharko dute, Irungo landa eremuan zehar. Urdanibia plazan egongo dira irteera eta helmuga, eta Meaka eta Olaberria auzoetako baserri bideetan zehar ibiliko dira korrikalariak, bitartean.

“Ibilbide gogorra da, baina ederra”

Javier Placeres

“Ibilbide gogorra da, baina ederra”, adierazi du Javier Placeresek: “Horixe azpimarratu zuten iazko parte hartzaileek, behintzat”. Amaierako giroa ere nabarmentzekoa da, parte hartzaileentzako pintxo-potea egongo baita Urdanibia inguruko tabernetan. Garaikurrak banatuko dituzte irabazleen artean, eta parte hartzaile guztientzako sarien zozketak ere egongo dira. “Eguraldiak laguntzen baldin badu, goiz aparta izango da”, aipatu du Placeresek.

Izen-emateak kirolprobak.com web gunean egin daitezke, 12 euroren truke. Dortsalak Deportes Gonzalez dendan jaso ahal izango dira ekainaren 1 eta 2an, baita lasterketaren egunean ere, goizeko 10:30era arte. Iaz Jose Antonio Gomez de Arribak irabazi zuen proba gizonezkoetan (18:49), eta Claudia Behobidek emakumezkoetan (23:13).

“Ikusmenaren eta burmuinaren arteko zirkuitulabur baten moduko zerbait da”

Javier Placeres

Ikusmenari eragiten dion gaixotasun arraroa

Lasterketako izen-emateekin bildutako dirua Asanol elkarteak jasoko du, Leber edo Lohm gaixotasun arraroaren ikerketara bideratzeko. FEDER Espainiako Gaixotasun Arraroen Federazioaren parte da elkartea. “74 kaltetu gaude gaur egun estatuan, elkarteko bazkideak kontuan hartuta. Badira gehiago, baina ez dute elkartean parte hartzen”, azaldu du Javier Placeresek. 40 urterekin pairatu zuen berak gaixotasuna. Normalean, gizon gazteei eragiten die.

Berari eta bere ingurukoei bizitza aldatu diela baieztatu du Placeresek: “Ikusmenaren eta burmuinaren arteko zirkuitulabur baten moduko zerbait da. Geneak lokartu egingo balitzaizkizu bezala. Batzuk alboetatik bakarrik ikusten dugu, beste batzuek aurretik soilik, eta beste batzuek ikusmen osoa galtzen dute”. Kaltetutako gehienek Suitzako laborategi bateko tratamendua jasotzen dute. Haren eragina, ordea, ez dago frogatua. Ikerketarako diru-ekarpen txiki bat lortzea izango da, beraz, Irungo lasterketa solidarioaren helburua.

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika