Lidia Yarza hondarribiarra 4 urterekin murgildu zen judoaren munduan. Neska bihurria zenez eta bera lasaitzeko helburuarekin, gurasoek lagunekin batera judora apuntatzea erabaki zuten. Zortzi urte ingururekin hasi zen judo txapelketetan parte hartzen, baina, 12 urteak bete arte itxaron behar izan zuen Espainia eta, geroago, nazioarteko txapelketetan parte hartu ahal izateko. Orain 21 urte dauzka eta judoaren bi aurpegiak ezagutu ditu: atsegina eta hain atsegina ez dena.