Milien goiza eraldatu du BATek

Jardunaldi inklusiboa eta solidarioa izango da aurten, apirilaren 22an

Azken bi urteetan 4 x milia erreleboen inguruan antolatu duen goizari beste buelta bat eman dio Super Amara Bidasoa Atletiko Taldeak. Milia distantzia (1.609m) bera izango da orain oinarria, eta haren inguruan antolatu du apirilaren 22ko goiz osoa. “Ez da, antolatzen ditugun beste zazpiak bezalako lasterketa bat”, nabarmendu du Ibon Muñoz BATeko kirol zuzendariak. Adin eta gaitasun fisiko eta mental guztietako emakumeek eta gizonek edukiko dute tokia.

Zabaltza plaza izango da Millas por la salud ekimenaren erdigunea. Bertan hasi eta bukatuko da Irungo miliaren zirkuitua, Txanaleta eta Genaro Etxeandia plazak lotuko dituena. Haren inguruan bira egingo du goiz osoak. 10:00etan, Tttipi-Ttapa programako adinekoek emango diote hasiera, oinez. Eusko Jaurlaritzako Osasun sailak eta Osakidetzak antolatzen dute programa, udalen laguntzarekin. Irunen eta Hondarribian elkartzen diren taldeetako emakumeek eta gizonek parte hartuko dute BATen ekimenean, eta 50etik gora espero dituzte.

10:45ean, aurreko urteetan ekimenaren oinarri izan den 4 x milia lasterketa egingo dute. Kuadrillei eta enpresei zuzendutako lasterketa izango da, eta sailkapenak eta sariak egongo dira. Goiz erdian, kirol egokituaren txanda izango da. 11:30ean gurpil-aulkiak eta handbike-ak aterako dira, milia egokitua egitera. Ondoren, 11:45ean, adimen urritasuna duten neska-mutilentzako milia erdi egokitua egingo dute. Gurasoak, atletismo eskolako haurrak eta BATeko federatuak aterako dira haiekin. Jurgi Olasagasti kirol egokituko Gipuzkoako federazioko teknikariak balorazio baikorra egin du: “Herrietan hain zabalduta dauden lasterketetan edonork parte hartzeko aukera gehiago nahi genituzke”.

12:00etan, bikoteentzako lasterketa egongo da. Emakumeen edo gizonen bikoteak, eta mistoak aurkeztu ahal izango dira. Hiru milia egin beharko ditu bikoteak, ia bost kilometro, eta batera iritsi beharko du helmugara. “Oraingoz, izen-emateei dagokienez, arrakasta gehien edukitzen ari den proba da”, aurreratu du Ibon Muñozek. 12:45ean, milia solidarioa egingo dute. Edonork parte hartu ahal izango du, hiru euroren truke, eta bildutako diru guztia AECC minbiziaren aurkako elkarteak jasoko du. Ez da sailkapenik eta saririk egongo. Elena Olasagasti Bidasoako AECCko presidenteak baieztatu du biltzen den dirua oso baliagarria izango zaiela.

Igande Sasoirekin bat

Jarduera guzti horiekin batera, Igande Sasoi ekimena antolatuko du BATek, udalarekin elkarlanean. Horrela, atletismoko diziplina ezberdinekin lotutako jarduera ezberdinak eskainiko ditu hurbiltzen diren haurrentzat. Proba lehiakorretarako izen-ematea zabalik dago kirolprobak.com web gunean (28 euro lauko taldeentzat, 18 euro bikoteentzat). Dortsalak BATek Palmera-Montero gizarte zentroan duen bulegoan jaso ahal izango dira apirilaren 21 goizean, edo lasterketen aurretik, Zabaltza plazan. Martxa solidariorako izen-ematea Zabaltzan bertan egin beharko da, hiru euroren truke.

ARANTXA AUSAN EUROPAKO TXAPELDUN W50-KO 60 METROKO HESI LASTERKETAN

Abel Castañaresek zilarrezko domina eskuratu zuen M65 kategoriako 8 kilometroko krosean

Europako Master Txapelketa ospatu zen pasa den astean,...

ALEJANDRO ESTEBAN ETA UNAX ERASO LAUGARREN ETA HAMARGARREN ESPAINIAKO JAURTIKETA LUZEKO TXAPELKETAN

Estebanek xabalina-jaurtiketan lortu zuen laugarren postua eta Erasok hamargarren mailu-jaurtiketan

Espainiako Neguko Jaurtiketa Luzeko Txapelketa...

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika