Oria Ibaiko XXIII. Jaitsiera irabazi du Hondarribia Arraun Elkarteak, proba nagusian. 19:18ko denbora egin zuen Ama Guadalupekoak larunbatean, Orio Arraun Elkarteak prestatutako ibilbidean. Etxeko ontziak hamalau segundo gehiago behar izan zituen, eta hamazazpi gehiago Urdaibaik, hirugarren sailkatuak. Hondarribia B ontzia hamahirugarren gelditu zen. Hamahirugarren izan zen, era berean, Hondarribiko emakumeen ontzia, Hibaika irabazleak baino minutu eta hamasei segundo gehiagoko denborarekin.