Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
13 Mar, 2016
ARENAS: Talledo, Ibon (López, 76'), Bergara, Pazó, Royo, Luisma, Uranga (Zumalakarregi, 85'), Chopi, Ramos (Madrazo, 72'), Arambarri, Dani López.
REAL UNION: Txusta, Azkoiti, Iriondo, Aimar, Urkizu, Rodellar (Ribera, 37'), Alonso, Mujika, Ozkoidi (Iriarte, 10'), Eizmendi, Barrón (Romo, 70').
GOLAK: 1-0: Ramos (7'). 1-1: Aimar (22'). 1-2: Mujika (75'). 1-3: Alonso (79').
EPAILEA: Cid Camacho. Txartel horiak: Ibon, Uranga (Arenas); Urkizu, Txusta, Iriondo, Iriarte (x2) (Real Union).
Korrontearen kontra aritu da Real Union Arenasi egindako bisitan. Hasteko, min hartutakoen zerrenda luzea zelako, irundarrenean. Norgehiagokan zehar, gainera, lesioen ondorioz berdegunea utzi behar izan dute Ozkoidik eta Rodellarrek. Zazpigarren minutuan, Arenasek abantaila hartu du, korner batean. Luisma Villa txuribeltz ohiak atera du, eta Ramosek bidali du baloia sarera. Zelaiaren beste aldean ateratako korner baten aldaratzean, Aimar Sagastibeltzak markagailua berdindu du berriro, 22.minutuan.
Bigarren zatiaren lehen erdian, irundarrek ez dute gol aukera argirik sortu. Baikorrenek besterik ez dute garaipenarekin amestu. Eta Julen Iriartek bigarren txartel horia ikusi duenean, itxaropen izpiak ia erabat desagertu dira. Ezustekoa eman du orduan Unionek. Hamar jokalarirekin aritu den arren, bost minutuko epean neurketa erabaki du. Mujikak jarri du aurretik Irungo taldea, eta Mikel Alonsok sartu du hirugarrena, falta jaurtiketa batean. Sailkapeneko seigarren postura bidali du Real Unionek Arenas. Sestao River da orain bosgarren, baina zortzi puntuko abantaila dute txuribeltzek Ezkerraldeko taldearekiko.
Benitok sartu zuen bigarren zatian talde txuribeltzaren gola, baina ez zen nahikoa izan Svenssonek sartutako biak berdintzeko
Real Unionek 2-1 galdu...
Real Unionek Osasuna Promesas bisitatuko du bihar Taxoaren
Real Unionek garaipena eskuratzeko bertze aukera bat izanen du bihar, apirilaren 27an,...
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...