Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
04 Urr, 2015
MENSAJERO: Kilian, Fede, Silvano, Moreno, Juanda, Jaime, álvaro, Dani López (Joan Salva, 81'), Rayco, Yeray (Darren, 89') eta Omar (Iray, 67').
REAL UNION: Txusta, Urkizu, Azkoiti, Aimar, Ribera, Martins (Mujika, 73'), Rodellar, Ozkoidi, Juan Domínguez, Eizmendi (Barrón 58') eta Galán (Romo, 77').
GOLAK: 1-0: Omar (22'). 2-0: Dani López (32'). 2-1: Barrón (60').
EPAILEA: Juan Peña Varela. Txartel horiak: Silvano (Mensajero); Azkoiti (Real Union).
Aurkari ahulik ez dagoela frogatu du Mensajerok. Denboraldiko lehen partida irabazi du, Real Unionen aurka. Bero handiko goiza izan da Canarietako La Palma irlan. Kontrako beste baldintza bat ere izan dute txuribeltzek, Silvestre Carrilloko zelai artifiziala, hain zuzen ere. Dena den, ondo hasi dira irundarrak. Nagusi izan dira lehen hogei minutuetan. 22.ean, baina, Omarrek abantaila eman dio etxeko taldeari, buruz egindako errematearekin. Erreakziorako tarte handirik ez du izan Unionek, hamar minutu beranduago bigarrena sartu baitu Dani Lópezek, Yerayren pasea baliatuta. 2-0ekoarekin hartu dute taldeek aldagelarako bidea.
Bigarren zatiaren hasieran, itxura ona hartu du partidak. Baloiaren jabe egin da Real Union, eta arriskua sortzen hasi da. 60.minutuan, etxekoen errenta murriztu du Alain Barrónek, zelaira irten bezain laster. Hurrengo minutuan, Mensajeroren aldeko penaltia adierazi du epaileak. Neurketa erabakitzeko aukera izan du, beraz, Yerayk. Baina Txustak jaurtiketa gelditu du, eta aldaratzea urruntzea lortu dute txuribeltzek. Gora egin dute ondoren, markagailua berdintzea helburu. Aitor Zulaikak Mujika zelairatu du Martinsen ordez, erasorako intentzioarekin. Beste ondorio bat izan du, hala ere, aldaketak. Zelai erdian presentzia galtzearekin batera, jokaldiak lantzeko gaitasunak behera egin du. Real Unionek ez du arrisku handirik sortu azken txanpan. Azkenean, punturik gabe amaitu du jardunaldia.
Letamendiak penaltiz sartutako golari esker jardunaldiko hiru puntuak etxean gelditu ziren
Real Unión Roca: Rodríguez; Arteaga (Fernández,...
Unionistas de Salamanca garaitu zuten etxean eta jeitsiera postuetatik aldentzen hasiak dira txuribeltzak
Real Unionek garaipen garrantitzusa lortu...
Real Unionek Unionistas de Salamanca jasoko du igandean, apirilaren 21ean, Galen 18:00etan
Real Unionek final baten moduko bertze partidu bat jokatu...
1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra
CD Lagun Onak B: Madrazo; Arizmendi,...