STADIUM GAL BERDINKETAREN ETXEA
Futbola

STADIUM GAL BERDINKETAREN ETXEA

15.berdinketa eskuratu zuen Real Unionek atzo Logroñesen aurka jokatutako neurketan. Partidu serioa jokatu zuten Juan Dominguezenek baina izandako abaguneak ez zuten asmatu eta ligako defentsa onenaren atea ezin izan zuten zulatu. Beste berdinketa bat, baina oraingo hontan ona aurrean zuen taldearen maila ikusita.

Lehen zatian bi taldeek bere aukerak izan zituzten hasierako markagailua mugiarazteko, baina ez Real Unionek ez Logroñesek ezin izan zuten lehen 45 minutuetan golik sartu. Bostgarren minutuan, Real Unionek neurketako lehen aukera sortu zuen eskuin hegaletik, baina Orbegozok ezin izan zuen baloia sareetara bidali. Jarraian errioxarren taldeko Olaetxea jokalariak Sequeiraren atea arriskuan jarri zuen eta jokaldi berean Javi Martinezek erantzuna eman nahi izan zuen txuribeltzentzat. Erritmo bizia neurketako lehen minutuetan.

Baina lehen zatiko aukerarik onena errioxarrek izan zuten. 13.minutuan Ekhi Senarrek txartel horia jaso ostean, Ruben Martinez erdilariak baloia zutoinera bidali zuen. Hori 16.minutuan izan zen, eta txuribeltzen erantzuna Galanen oinetatik iritsi zen 27.minutuan, baina aurretik Sequeirak egin zuen antzera, Miguel atezainak baloia eten zuen. Ordutik, balioaren jabetza txuribeltzek izan zuten arrisku asko bi hegaletatik sortuz. Hala ere, lehen zatiak ez zuen aukera esanguratsu gehiagorik izan eta beraz, atsedenaldira 0-0koarekin iritsi zen.

Aldageletatik bueltan, jokoaren erritmoa geldoagoa bilakatu zen. Bi taldeek baloiaren jabetza lortu nahi zuten, baina hutsak medio inork ez zuen partiduaren gidaria bilakatzen. 54.minutuan neurketako bigarren txartel horia adierazi zioten Real Unioneko jokalari bati, Javi Martinezi hain zuzen. Orduantxe neurketaren erritmoa beste behin bizitu egin zen. Errioxarrek aukera ezinhobe bat izan zuten markagailuan aurreratzeko, baina Sequeirak birritan Logroñesek intentzioak saihestu zituen eta jarraian, Dani Estradaren urrutiko jaurtiketa bat gutxigatik ez zen saretara joan.

Aldektek ez zuten eragin handia izan norgehiagokan, Lizarragak, Solak eta Etxaburuk ez zuten astirik izan aukerarik sortzeko eta hutsekoarekin partidua amaierara iritsi zen. Txuribeltzek beste puntu bat eskuratu dute, hamabostgarren berdinketa denboraldian, eta sailkapenean 30 punturekin 13.postuan mantentzen dira, promozio postuak lau puntutara urrunduz. Datorren igandean gipuzkoako derbiaz disfrutatzeko aukera izango dugu, Sanse eta Real Union nor baino nor.   

REAL UNION ROCAK PUNTU BAT GEHITU ZUEN SAILKAPENEAN
Futbola

REAL UNION ROCAK PUNTU BAT GEHITU ZUEN SAILKAPENEAN

Amaikak Bat taldearen kontrako partidua banako markagailuarekin bukatu zen, Mario Capeletek penaltiz sartutako golari esker

Real Unión Roca:...

REAL UNIONEK PUNTU BAT EKARRI ZUEN LAS GAUNAS ZELAITIK
Futbola

REAL UNIONEK PUNTU BAT EKARRI ZUEN LAS GAUNAS ZELAITIK

Solísen eskutik ailegatu zen txuribeltzek markagailuan berdintzeko baliatu zuten gola

Real Unionek banako markagailua erdietsi zuen pasa den...

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat...

REAL UNION ROCAK PUNTU BAT EKARRI ZUEN MINTXETATIK
Futbola

REAL UNION ROCAK PUNTU BAT EKARRI ZUEN MINTXETATIK

Binako markagailua erdietsi zuen Carlos Garciaren taldeak azken minutuan Elgoibarren kontra

CD Elgoibar: Mosquera; Moya, Barrenechea,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika