Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
11 Urt, 2019
HONDARRIBIA: Amundarain, Mateos, Etxebarria (1), Gomez (3), Arretxe, Vazquez (3), Rincón (5), Wamba (3), Sagarzazu (1), Jimenez (1), Tello, Romo (4), Amezketa.
USURBIL: Montes, Toledo, Izagirre (2), Orena (3), Holgado (1), Uli (1), Asia, Carracedo, Orena (1), Urkia (1), Beloki (2), Lizaso (4), Pagola (3), Alzaga, Bengoetxea (4).
MARKAGAILUA: 1-3, 4-3, 6-5, 6-7, 6-8, 8-10 (atsedenaldia); 11-13, 13-13, 16-15, 17-17, 18-20, 20-22.
Balentria ikusgarria beharko du Hondarribia Eskubaloiak Estatuko Lehen Mailan jarraitzeko. Itxaropena bizirik mantentzeko aukera izan du Hondartza kiroldegian. Baina Usurbil aurkari zuzenaren kontra galduta, zuloan are gehiago hondoratu da. Azken aurrena da Javi de la Hazaren taldea, eta sei puntu gehiago dituzte hurrengo bi taldeek. Neurketa bizia, estua eta lehiatua izan da Hondartzakoa. Kanpokoak indartsu irten dira kantxara, berdeek partida zaila izango zutela argi uzteko (0-3). Bost minutu behar izan ditu Hondarribiak lehen gola egiteko, baina defentsan estutzen hasi da, eta markagailuan aurrea hartzea lortu du hamargarrenerako (4-3). Lehen zatiaren bigarren erdian usurbildarrak izan dira nagusi. Bi goleko aldea lortu dute atsedenaldirako (8-10).
Aldagelatik bueltan, itxura txarra hartu du neurketak Hondarribiarentzat. Laugarren minutuan, txartel gorria ikusi du Gari Amundarain atezainak, eta hiruko abantaila hartu du Usurbilek zazpi metroko marratik. Kasta atera du orduan etxeko taldeak, sei minutuko tartean markagailua iraultzeko (14-13). Harmailako giroarekin batera, taldeak ere gora egin du. 17-15ekoa sartu du Iñigo Gomezek kontraerasoan. Baina Hondarribiak ez du partida hautsi, eta 22.minutuan berdintzea lortu du berriro Usurbilek. Epaileak Tellori txartel gorria erakutsi dio, eta Fernando Rincón protesta egiteagatik kanporatu du ondoren. Usurbilek norgehiagoka erabakitzeko baliatu du aukera. Minutu bakarra falta zenean hutsartea eskatu du “Viky” de la Hazak, berdinketa lortzeko helburuarekin. Hala ere, kanpokoak fin ibili dira azken jokaldietan, eta garrantzi ikaragarria duten bi puntu eskuratu dituzte.
Erromoko Eskubaloiaren kontra aritu ziren finalean eta 20-41ko markagailuan gainditu zituzten ermuarrak
Bidasoa Irunek Euskal Kopako finalean...
Euskal Kopa bereganatu ondotik, Bidasoa Irunek Frigorificos del Morrazo jasoko du bihar (apirilaren 26an) Artalekun
Bidasoa Irunek Euskal Kopa...
Jacobo Cuetararen mutilek ezin izan zuten Ademar Leon garaitu eta 33-32ko markagailuarekin galdu zuten bertan
Bidasoa Irunek 33-32ko...
Bidasoa Irunek Ademar Leon bisitatuko du igande honetan, apirilaren 21ean, 17:00etan
Bidasoa Irunek Ademar Leonen kontrako partidua jokatuko du...
Irun 2029ko Emakumezkoen Munduko Eskubaloi Txapelketaren egoitza izendatu zuten atzo Parisen
Irun 2029ko Emakumezkoen Munduko Eskubaloi...
Blendio Sinfinen kontra 36-24ko emaitzarekin irabazi zuen talde horiak Artalekun
Bidasoa Irunek garaipena eskuratu zuen pasa den larunbatean etxean,...