Asobal Ligara igotzeko lehiatik kanpo gelditu da Bidasoa-Irun
Eskubaloia

Asobal Ligara igotzeko lehiatik kanpo gelditu da Bidasoa-Irun

ATLéTICO VALLADOLID: César Pérez, Rey, Rasero (1), Viscovich (3), Hernández (8), De La Rubia (3), Källman (7), Daniel Pérez (2), Grossi (2), álvarez (2), Turrado (1), Roberto Pérez (2), Egea, Gómez, Santiago.

BIDASOA-IRUN: Dejanovic, Cavero (1), Trkulja (2), Azkue (3), Muiña (1), Martínez (2), Crowley (7). Zubiria, Alzaga, Zildzic (2), Gimeno (1), Penón (1), Vázquez, Revin.

MARKAGAILUA: 2-1, 3-2, 5-3, 7-4, 9-7, 11-10 (atsedenaldia); 13-12, 16-14, 20-15, 22-17, 27-20, 31-20.

EPAILEAK: álvarez Menéndez eta Friera Cavda.

Garratza izan da denboraldiaren amaiera Bidasoa-Irun taldearentzat. Igoera lortzeko itxaropenarekin iritsi da Santanderko play off-era. Baina oso urrun gelditu da azkenean. Kolpe latza eman dio Atlético Valladolidek finalerdian. Ezusteko jipoia jaso du Bidasoak, denboraldiko neurketa okerrenetariko batean. Itxura txarra hartu du norgehiagokak lehen minutuetan. Cristian Martínezek lehen gola egin ondoren, laster hasi da Valladolid markagailuan agintzen. Caverok berdinketa jarri du, 11.minutuan. Ordu laurdena betetzerako, ordea, bi goleko abantaila zuen berriro aurkariak. Defentsako lan handia izan da Pucelako taldearen garaipenaren oinarri. Erasoan baldar aritu da Bidasoa, harresi gaztelarra gainditzeko modua aurkitu ezinik. 26.minutuan hutsartea eskatu behar izan du Boleak, Valladolidek hiru goleko aldea zuenean (7-10). Lehen zatia ondo bukatuta, lehiara bueltatzeko itxaropena zuen entrenatzaileak. Hala izan da, 10-11koa irudikatu baitu markagailuak atsedenaldian.

Bigarren zatiaren hasierak zale irundarrak berpiztu ditu. Cristian Martínezek markagailua berdindu du, eta Adrian Crowleyk aurretik jarri du talde bidasoarra, zazpi metroko marratik. Hala ere, Valladolidek neurketaren agintea berreskuratu du laster. Defentsan estutzen hasi da berriro, eta markagailuko aldeak gora egin du etengabe. Bidasoak ez du atea babesteko lanean asmatu. Erraz eta erruz sartu dira aurkariak sei metroko marraraino. Gainera, Filip Källman Bidasoako jokalari ohiak gol sorta sartu du kanpoko jaurtiketetan. Hamabost minutu falta zirenean, partidatik kanpo zegoen jada Bidasoa-Irun. Azken ahalegin batean, hutsartea eskatu du Boleak, 15-21ekoarekin. Baina aurrerantzean, aldea handitu besterik ez du egin Valladolidek. Amore eman dute Bidasoako jokalariek, eta burumakur utzi dute La Albericiako kantxa. Negar malkoak ere izan dira, gazteenen artean.

Denboraldi irregularraren ondoren, saririk gabe gelditu da Bidasoa-Irun. 3. eta 4. postuetarako lehian, 20-27 gainditu du Nava. Baina garaipenak ez du taldea kontsolatu. Ohorezko B Mailan ariko da Bidasoa hurrengo denboraldian.

BIDASOAK EGIAKO NAZIOARTEKO TXAPELKETAN PARTE HARTUKO DU
Eskubaloia

BIDASOAK EGIAKO NAZIOARTEKO TXAPELKETAN PARTE HARTUKO DU

27. edizioa izanen da aurtengoa eta ostegunetik larunbatera ospatuko da

Bihartik aurrera larunbata arte XXVII....

BIDASOAK BI GARAIPEN LORTU DITU LEHEN LAGUNARTEKOETAN
Eskubaloia

BIDASOAK BI GARAIPEN LORTU DITU LEHEN LAGUNARTEKOETAN

Pasa den ortziralean 24-32 irabazi zuen Billere taldearen aurka eta larunbatean 28-38 nagusitu zen Huescaren aurrean

BIDASOAK QUIRONSALUDEKIN ZUEN AKORDIOA BERRITU DU
Eskubaloia

BIDASOAK QUIRONSALUDEKIN ZUEN AKORDIOA BERRITU DU

Hamabostgarren urtea da bi erakunde hauek elkarrekin lan egiten dutena

Bidasoak atzo jakitera eman zuenez, klub...

BIDASOAK BENIDORMEN AURKA HASIKO DU ASOBAL LIGA
Eskubaloia

BIDASOAK BENIDORMEN AURKA HASIKO DU ASOBAL LIGA

Atzo eguerdian egin zen aurtengo denboraldiko egutegiaren zozketa eta Bidasoari Benidormen hastea egokitu zaio

Atzo...

BIDASOAK JAKUB SKRZYNIARZ ETA HARBAOUI MEHDI AURKEZTU DITU
Eskubaloia

BIDASOAK JAKUB SKRZYNIARZ ETA HARBAOUI MEHDI AURKEZTU DITU

Bi atezainak lehen aldiz arituko dira ASOBAL Ligan eta bertan, beraien onena erakusteko aukera edukitzea espero dute

ASIER NIETO ETA MIHAJLO MITIĆ BIDASOAKO JOKALARI BERRIAK
Eskubaloia

ASIER NIETO ETA MIHAJLO MITIĆ BIDASOAKO JOKALARI BERRIAK

Gurutz Aginagalde presidenteak Bidasoako ezker eta eskuin hegaleko jokalari berriak aurkeztu zituen prentsaren aurrean  

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika