Klubak berak ohar bidez jakinarazi zuen, Irungo Udalak kiroldegien kudeaketaren kanona ordaintzeari utzi nahi diola.

 Desagertzeko arriskuan, horrela aurkitzen da Bidasoa XXI Igeriketa kluba. Azken 20 urteetan emakumezko zein gizonezko taldea Ohorezko Mailan izan duen Euskadiko klub bakarra egoera larrian aurkitzen da. Klubak aditzera eman zuen antzera, “Irungo Udalak Artaleku eta Azken Portuko kiroldegien kudeaketaren kanona ez ordaintzeko asmoa erakutsi ondoren, kluba desagertzeko egoeran aurkitzen da”. Hala jakinarazi zieten udal ordezkariek azken asteetan izan dituzten bileretan.

Urtero, kanonaren diru-sarrerak aldakorrak dira, Azken Portu zein Artalekuko kiroldegien irabazien araberakoa, hain zuzen ere. Kanonak Bidasoa XXI Igeriketa Klubaren diru-sarreren %30a suposatzen du; beraz, Irungo Udalak hartu duen erabaki honek, arrisku larrian jartzen du irungo igeriketa klubarean jarraipena. Bidasoa XXI Igeriketa taldeak 70 langilek eta 260 kirolarik osatzen dute, gutzi horien jarduna ere arriskuan utziko luke Irungo Udalak.

Bidasoa XXI Igeriketa taldeak jakinarazi duenez, “ez da lehen aldia udalak igeriketa zailtasunetan jartzen duela; izan ere, aurreko urteetan ordaindu beharreko eta 32.000 euroak gainditzen dituen diru-laguntzak ordaindu gabe jarraitzen du Irungo Udalak”.

Kiroletik saioan Ane Sasetari, Bidasoa XXI Igeriketa taldeko lehendakariari eginiko elkarrizketa.