BIDASOAK 28-34 GARAITU ZUEN GRANOLLERS
Eskubaloia

BIDASOAK 28-34 GARAITU ZUEN GRANOLLERS

Palau d´Esportsen aritu ziren irundarrak, 1.100 zaleen aurrean

Larunbat eguerdian neurtu zen Bidasoa Granollersen aurka, aurreikusten zen partidu zail eta parekatu batean. Asobal Ligako hamaikagarren jardunaldi hau 28-34 markagailuarekin amaitu zen, eta irundarrek beste bi puntu irabazi zituzten, sailkapeneko bigarren postua ziurtatuz.

Lehenengo zatiaren hasieran etxekoak aurre hartu bazuten ere, Cuetararen taldeak indarra hartu eta Salinas, Odriozola eta Azkueren golekin eta Sierraren defentsarekin, markagailuari buelta ematea lortu zuten. Bederatzigarren minutuan, gol bateko errenta zuten irundarrek, eta hortik atsedenaldira arte hau handitzen jarraitu zuten bost goleko aldea eduki arte (11-16, 26. minutuan). Hala ere, azken lau minutuetan, Granollersekoak martxa hartu eta aldea lau puntura jaistea lortu zuten, bigarren zatia 14-18 markagailuarekin hasita.

Etxeko taldeak indar berarekin hasi zuen jardunaldiko azken ordu erdia ere, eta 39. minuturako puntu bakar bateko aldea edukitzea lortu zuten. Hala ere, Cuetarak eskatutako hutsartetik bueltan, irundarrek erritmo gogorra ezarri zuten neurketan eta, Mikel Zabalaren golei esker, Granollersek itxi ezin izan zuen zuloa ireki zuten markagailuan. Partidua amaitzeko bi minutu falta zirenean, etxekoak berriro ere hurbildu baziren ere, Adrian Fernandezen Asobal Ligako 600. golak Bidasoaren alde erabaki zuen neurketa.

Jardunaldiaren amaieran Jacobo Cuetara entrenatzaileak esan zuen moduan, taldea “oso pozik dago garaipen garrantzitsu honekin. Oso ondo jokatzen ari zen etsai baten kontra zen eta bere etxean gainera. Erritmo onarekin ailegatu gara eta momentu oso onean gaude”. Eguneko protagonista izan zen Mikel Zabalak ere Cuetararen hitzak errepikatu zituen eta irabazitako “bi puntuak oso garrantzitsuak” zirela gaineratu zuen.

Bidasoak bihar izango du beste bi puntu irabazteko aukera, baina oraingoan EHF Ligaren barruan jokatuko duen partiduan izango da. Artalekun arituko dira irundarrak Fenix Toulouse HB taldearen aurka, arratseko 20:45ean hasita.


ASIER NIETO ETA MIHAJLO MITIĆ BIDASOAKO JOKALARI BERRIAK
Eskubaloia

ASIER NIETO ETA MIHAJLO MITIĆ BIDASOAKO JOKALARI BERRIAK

Gurutz Aginagalde presidenteak Bidasoako ezker eta eskuin hegaleko jokalari berriak aurkeztu zituen prentsaren aurrean  

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA
Eskubaloia

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA

Uztailaren 7tik 17ra jokatuko da Europako Junior Txapelketa eta bertan izango dira Bidasoako lau jokalari gazteak

JULEN AGINAGALDE BIDASOAKO KIROL ZUZENDARIA IZANGO DA
Eskubaloia

JULEN AGINAGALDE BIDASOAKO KIROL ZUZENDARIA IZANGO DA

Jokalari irundarrak urte bat gehiago emango du Bidasoan jokatzen, “kamiseta zintzilikatu” baino lehen

Julen...

TXINGUDI ZUBIEDERREK SAN MARTZIAL TORNEOA IRABAZI DU
Eskubaloia

TXINGUDI ZUBIEDERREK SAN MARTZIAL TORNEOA IRABAZI DU

Txingudi Eskubaloi Taldeak lehendabiziko aldiz ospatu zuen senior mailako emakumeentzako San Martzial Torneoa, eta etxeko taldeak lortu zuen garaipena

ASIER NIETOK BIDASOAN JOKATUKO DU DATORREN HIRU URTEETAN
Eskubaloia

ASIER NIETOK BIDASOAN JOKATUKO DU DATORREN HIRU URTEETAN

Etxebarriako jokalariak aurre-akordio bat sinatu du Bidasoarekin eta hurrengo hiru denboraldietan bertan jokatuko duela iragarri du klubak

BIDASOAK ETA GEFF ENPRESAK ZUTEN AKORDIOA BERRITU DUTE
Eskubaloia

BIDASOAK ETA GEFF ENPRESAK ZUTEN AKORDIOA BERRITU DUTE

Ehungintzako enpresak klub irundarraren hornitzaile izaten jarraituko du hurrengo bi denboraldietan

C.D. Bidasoatik...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika