BIDASOAK HIRUGARREN POSTUAN AMAITU DU ASOBAL LIGA
Eskubaloia

BIDASOAK HIRUGARREN POSTUAN AMAITU DU ASOBAL LIGA

Talde irundarrak 32-24ko markagailuarekin menderatu zuen Benidorm denboraldiko azken neurketan

Atzo arratsaldean, Bidasoak bukaera borobila eman zion aurtengo Sacyr Asobal Ligari Artalekun. Benidorm taldearen kontra aritu zen eta 32-24ko markagailuarekin menderatu zuen hau. Granollersek ere garaipena eskuratu zuenez, talde irundarrak sailkapeneko hirugarren postuan amaitu du azkenean denboraldia.

Neurketa hasi baino lehen, Bidasoa Klubak, Gurutz Aginagalde presidentearen eskutik, Javier Sesma eta Jose Angel Sodupe presidente ohiei bi urrezko intsignia eman zizkien. Gainera, Fernando Bolea Bidasoako jokalari eta presidente ohiari ere omenaldia eskeini zioten. Aitortzak eginda, Asobal Ligako azken partidari hasiera eman zioten Artalekun. Lehen bost minutuetan lortutako berdinketari buelta eman eta aurretik jarri zen etxeko taldea. Nahiz eta bost goleko errenta eskurato 15. minuturako (9-4), Benidormek erantzun eta aldea bi puntura murriztu zuen atsedenaldirako (15-13).

Bigarren zatian ere Bidasoak bere nagusitasuna erakutsi zuen eta oraindik errenta gehiago lortu zuen markagailuan. Neurketa amaitzeko hamar minutu gelditzen zirenean, etxeko taldeak 26-18ko markagailua eskuratu zuen. Benidormek hau zertxobait murriztea ere lortu zuen, 27-23koa ipiniz, baina Bidasoak azken bost minutuetan berriz ere ireki zuen aldea eta 32-24koarekin amaitu zuen neurketa.

Hasierako omenaldiek segida izan zuten bukaeran. Izan ere, zale guztiak Artalekun zeudela aprobetxatuta, hurrengo denboraldian taldean egongo ez diren lau jokalariei agur esan zieten. Kauldi Odriozola, Xoan Ledo, Jose Manuel Sierra eta Adrian Fernandez txalotuak izan ziren ikusle guztien partetik eta honek etxean bizi izan zen arratsalde berezia borobildu zuen.

(Argazkia: Arrate Morales)

BIDASOAK EGIAKO NAZIOARTEKO TXAPELKETAN PARTE HARTUKO DU
Eskubaloia

BIDASOAK EGIAKO NAZIOARTEKO TXAPELKETAN PARTE HARTUKO DU

27. edizioa izanen da aurtengoa eta ostegunetik larunbatera ospatuko da

Bihartik aurrera larunbata arte XXVII....

BIDASOAK BI GARAIPEN LORTU DITU LEHEN LAGUNARTEKOETAN
Eskubaloia

BIDASOAK BI GARAIPEN LORTU DITU LEHEN LAGUNARTEKOETAN

Pasa den ortziralean 24-32 irabazi zuen Billere taldearen aurka eta larunbatean 28-38 nagusitu zen Huescaren aurrean

BIDASOAK QUIRONSALUDEKIN ZUEN AKORDIOA BERRITU DU
Eskubaloia

BIDASOAK QUIRONSALUDEKIN ZUEN AKORDIOA BERRITU DU

Hamabostgarren urtea da bi erakunde hauek elkarrekin lan egiten dutena

Bidasoak atzo jakitera eman zuenez, klub...

BIDASOAK BENIDORMEN AURKA HASIKO DU ASOBAL LIGA
Eskubaloia

BIDASOAK BENIDORMEN AURKA HASIKO DU ASOBAL LIGA

Atzo eguerdian egin zen aurtengo denboraldiko egutegiaren zozketa eta Bidasoari Benidormen hastea egokitu zaio

Atzo...

BIDASOAK JAKUB SKRZYNIARZ ETA HARBAOUI MEHDI AURKEZTU DITU
Eskubaloia

BIDASOAK JAKUB SKRZYNIARZ ETA HARBAOUI MEHDI AURKEZTU DITU

Bi atezainak lehen aldiz arituko dira ASOBAL Ligan eta bertan, beraien onena erakusteko aukera edukitzea espero dute

ASIER NIETO ETA MIHAJLO MITIĆ BIDASOAKO JOKALARI BERRIAK
Eskubaloia

ASIER NIETO ETA MIHAJLO MITIĆ BIDASOAKO JOKALARI BERRIAK

Gurutz Aginagalde presidenteak Bidasoako ezker eta eskuin hegaleko jokalari berriak aurkeztu zituen prentsaren aurrean  

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika