DE LA SALUDEN ERRITMORA FINKATU DU GARAIPENA BIDASOAK
Eskubaloia

DE LA SALUDEN ERRITMORA FINKATU DU GARAIPENA BIDASOAK

Neurketa zail eta gogor batean, Sergio de la Saludek norgehiagokaren erritmoa bereganatu du Bidasoa denboraldiko 10.garaipenera gidatzeko. Kasu honetan, Recoletas Atletico Valladolid menderatu dute (32-34).

Bi taldeak erasoan dena erakutsiz hasi dute neurketa, baina lehen bost minutuetan Bidasoa hasi da agintzen. Sergio de la Saluden hiru golekin eta Rodrigo Salinasen beste batekin, bi goleko (2-4) hasierako aldea erdietsi du talde irundarrak. Jose Manuel Sierra atezainaren Huerta del Rey-ko kiroldegiaren itzulerak hasiera ezinhobea izan du, bikain hasi du neurketa bi geldiketa jarraian eginik. Lehen 10 minutuetara, abantaila areagotuz iritsi da Bidasoa, De la Saluden gidaritzapean, erasoan oso ondo aritu dira irundarrak eta Kauldi Odriozola eta Rodrigo Salinasen golen eskutik 3-6 jarri dira aurretik.

Jon Azkue eta Dan Racotearen bajen ondorioz, De la Saludek, Salinasek eta Odriozolak lana aregotzera behartuta ikusi dira, hirurak batera minutu ugari jokatu dituzte. Zumaiarra hegaleko bezala jokatu du minutu luzez eta postu horretatik, bere ohiko postua balitz bezala, bi gol egin ditu 5-9koa ezarri eta Valladoliden hutsartzea behartzeko. Valladoliden taldean, pibote postuan Ander Ugarte irundarrak jokatzen du eta neurketa aulkian hasi duen arren, 14.minutuan neurketako lehen gola erdietsi du (7-10koa) -orotara 2 egin ditu-. Sailkapeneko hirugarren sailkatuak, Valladolidek, markagailuan hurbiltzeko saiakerak egin ditu, baina Iñaki Caveroren bi golek 17.minutuan lehen zatiko errenta nagusia eman diote Bidasoari (7-12). Azken 10 minutuetan, bost goleko errenta ondo mantentzen ari zenean, Matheus da Silva bi minutu egotzi dute epaileek eta etxeko taldeak, jokalari bat gehiagorekin, atsedenaldira lau goletara hurbiltzea lortu du (15-19).

Aldageletatik bueltan, Bidasoak ez du azeleragailua zapaltzeari utzi eta Kauldi Odriozolak zein Sergio de la Saludek bi gol ikusgarri egin dituzte. Hala ere, lehen zatian bi taldeetako atezainak fin ibili ez badira ere, bigarren zatiaren hastapenean geldiketa bikainak gauzatu dituzte eta lau goleko errenta bere horretan jarraitu du (18-22, 35.minutuan). Nolanahi ere, hurrengo minutuetan Jacobo Cuetararen jokalarien bi golek aldea sei goletara areagotu dute (18-24) eta David Pisonerok, Recoletas Atletico Valladoliden entrenatzaileak, neurketako bigarren hutsartea eskatu behar izan du. Etxekoen hutsarteak eta estrategia aldaketak eragina izan du, neurketako alde nagusitik, bi minututan, hiru goletara hurbildu da Valladolid eta orduan, Jacobo Cuetara izan da hutsartea eskatzera behartuta ikusi dena (41.minutuan, 21-24).

Neurketa bukatzeko hamar minutu geratzen zirenean, Bidasoak, beste behin, Rodrigo Salinasen eta Kauldi Odriozolaren gol bana bidez, errenta bost goletara handitu du (25-30). Valladolidek ez du amore emateko imintziorik egin eta defentsan lana sendotzen saiatu da, baina ez da nahikoa izan irundarren erasoko maila neutralizatzeko. Valladolidek ez du amore emateko imintziorik egin eta neurketaren azken minutuetan bi goletara hurbildu da (28-31). Etxekoek neurketaren azken minutuetan asko presionatu dute talde irundarra, baina ez da nahikoa izan Bidasoaren garaipena ekiditeko. Kauldi Odriozolaren gol batek, Donat Bartoken bik eta Jose Manuel Sierraren geldiketa erabakigarri batek Bidasoak bi puntu berri eskuratzea ahalbidetu dute (32-34).  

KOPAREN AURRETIK, PORROTA
Eskubaloia

KOPAREN AURRETIK, PORROTA

Bidasoak ezin izan du Bada Huescaren aurka bolada honari segida eman, etxekoak oso nagusi izan dira eta 29-23 garaitu dituzte irundarrak.

Bada Huesca oso...

“TALDE EGONKORRA ETA ERREGULARRA DA BADA HUESCA”
Eskubaloia

“TALDE EGONKORRA ETA ERREGULARRA DA BADA HUESCA”

Jacobo Cuetarak Asobal Ligako hirugarren sailkatua irabazteko ilusio guztiarekin bidatuko dutela adierazi du.

“Asobal Ligako bigarren eta hirugarren...

KAULDI ODRIOZOLA SELEKZIOAREKIN HAUTATUTA
Eskubaloia

KAULDI ODRIOZOLA SELEKZIOAREKIN HAUTATUTA

Jokalari zumaiarrak Jordi Ribera hautatzailearen deia jaso du Espainiako Selekzioarekin martxoan bi neurketa jokatzeko.

Denon ahotan zegoen. Kauldi...

JIPOIA ETA EMAITZA KAPIKUA
Eskubaloia

JIPOIA ETA EMAITZA KAPIKUA

Laugarren neurketa jarraian irabazi du Ilcapo Hondarribiak; kasu honetan, 24-42 Urdaibairen kiroldegian.

Ilcapo Hondarribiak Martin Santano, Gorka Nieto,...

TENTSIO HANDIKO DERBIA BIDASOARENTZAT
Eskubaloia

TENTSIO HANDIKO DERBIA BIDASOARENTZAT

Irabazteko moduarengatik eta bi taldeek erakutsi duten jarrerarengatik, bi puntu baliotsu lortu ditu Bidasoak (27-25).

Derbiak beti dira gogorrak eta...

“LESIOAK KONTUAN HARTUTA, DEFENTSAN EROSO EGON BEHARKO DUGU”
Eskubaloia

“LESIOAK KONTUAN HARTUTA, DEFENTSAN EROSO EGON BEHARKO DUGU”

Bidasoak eskubaloira oso ondo jokatzen duen Anaitasuna jasoko du bihar Artalekun. Lesioak tarteko, Euskal Herriko derbia gogorra eta lehiatua izango dela...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika