JACOBO CUETARA: “GURE ERRENDIMENDUAREN ETA ZALEEN ARTEKO ELKARTASUNAK FRUITUAK EMAN BEHAR DITU”
Eskubaloia

JACOBO CUETARA: “GURE ERRENDIMENDUAREN ETA ZALEEN ARTEKO ELKARTASUNAK FRUITUAK EMAN BEHAR DITU”

Aste lanpetu bati bukaera emateko, Bidasoa Irunek Blendio Sinfin taldea jasoko du bihar, apirilaren 13an, Artalekun

Aste gogorra izan du Bidasoa Irunek oraingo honetan. Pasa den igandean, Granollersen kontrako partiduan berdinketa eskuratuta, Errege Kopako hirugarren kanporaketa jokatu zuen bi egun geroago, astearte arratsaldean. Fundacion Agustinos Alicante gaindituta, txapelketa horretako azken fasean sartuta dago taldea. Hala ere, aste lanpetu honi bukaera emateko, Plenitude ASOBAL Ligako helburuei eutsi beharko die asteburuan. Bihar, apirilaren 13an, Blendio Sinfin jasoko du talde irundarrak etxean, Artalekun, 16:00etan.

“Jokalariek karga handia izan dute eta nekatuak daude”, Jacobo Cuetarak argitu du gaur goizeko prentsaurrekoan. Aste gogorra izan dute, Plenitude ASOBAL Ligako ohiko jardunaldiarekin eta Errege Kopako kanporaketarekin. Bietan arrakastarekin bukatuta, orain Ligarekin segitu eta Blendio Sinfin jasoko dute bihar Artalekun. Edonola ere, jardunaldi berri honetan, “eskubaloi ona” egitea izanen da helburua.

Faboritoak dira irundarrak Sinfinen aitzinean eta etxean jokatzea ere abantaila dela onartu du Cuetarak: “Faboritoak gara eta etxean ari gara, hori da garrantzitsuena. Nagusi izan behar gara eta neurketak ihes ez egitea lortu. Etxean ditugun neurketan gakoak izanen dira sailkapeneko bigarren postura begira”. Hala ere, biharko jardunaldia zaila izan daitekeela ere azpimarratu du entrenatzaileak: “Faboritoak gara baino horrelakoetan ere galdu izan dugu. Gainera, zaila izan daiteke nekatuak gaudelako”.

Horregatik beragatik, dei berezi bat egin die prestatzaileak zaleei: “Zaleei laguntza eskatuko diegu. Gu bultzatzea, betiko moduan. Gure errendimenduaren eta zaleen babesaren arteko elkarlanak fruituak eman dezake eta horrela, garaipena eskuratu dezakegu”.

Blendio Sinfin sailkapeneko azken postuetan dago eta hurbiletik begiratzen du jeitsiera. Hala ere, “presiorik gabe” joka dezakela ohartarazi du Cuetarak, batez ere “partiduan zehar aukerak badituela ikusten badu”. Horren aitzinean, “joko ona” erakutsi eta “sendoak” izan behar dira etxeko jokalariak.

Aste lanpetuaren ondotik, ordea, ezin izanen dira denak kantxan egon. Jakub Skrzyniarz atezaina “hagitz zaila” izanen du bertan egotea, eta Julen Mujika ez da deialdian sartuko. Pedro Pacheco, Tao Gey-Emparan eta Mikel Zabala berriz, zalantza izanen dira azken momentura arte. 

(Argazkia: Arrate Morales)

PIOTR MIELCZARSKI POLONIARRA BIDASOAKO DIZIPLINAN SARTUKO DA
Eskubaloia

PIOTR MIELCZARSKI POLONIARRA BIDASOAKO DIZIPLINAN SARTUKO DA

Erdiko atzelari gaztea utzita ariko da BM Guadalajaran 2024/25 denboraldian

CD Bidasoak eta Piotr Mielczarski jokalariak akordioa lortu dute eta horren...

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”
Eskubaloia

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”

Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...

HUGO SANCHEZ IZANEN DA ILCAPO HONDARRIBIAKO ENTRENATZAILEA
Eskubaloia

HUGO SANCHEZ IZANEN DA ILCAPO HONDARRIBIAKO ENTRENATZAILEA

Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan

CD Bidasoak eta Hondarribia...

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN
Eskubaloia

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN

Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan

Bidasoa Irungo...

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN
Eskubaloia

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN

Euskal Herri osotik etorritako sei taldek hartuko dute parte txapelketan

III. San Martzial Senior Nesken Eskubaloi Torneoa ospatuko da bihar, ekainaren...

JULEN URRUZOLAK ETA XABIER BARRETOK ALACANTEN JOKATUKO DUTE HURRENGO BI DENBORALDITAN
Eskubaloia

JULEN URRUZOLAK ETA XABIER BARRETOK ALACANTEN JOKATUKO DUTE HURRENGO BI DENBORALDITAN

CD Bidasoak, bi urteren buruan, aukera izanen du bi jokalariak berreskuratzeko

CD Bidasoak jakinarazi duenez, Ohorezko Mailako EON Horneo Alicante...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika