JULIA ZOZAYA: “SASOI ON BAT EGITEA DA GURE LEHENTASUNA”
Eskubaloia

JULIA ZOZAYA: “SASOI ON BAT EGITEA DA GURE LEHENTASUNA”

Julia Zozaya, eskubaloinean iaz Euskal Kosta taldean aritu zen, Baiona, Angelu eta Biarriatzeko taldeen arteko klubean. Denboraldi honetan Urruñako eskubaloi taldera itzultzea deliberatu du. Pozik eta ilusio handiarekin abiatu du proiektu berria. Urruñako nesken eskubaloi taldean oinarri sendoak sortu nahi dituzte etorkizunean elitean jokatu ahal izateko. Aitor Errazkin lankidea, Julia Zozaya, Urruñako nesken eskubaloi taldeko atezainarekin hitzegin du.

Iaz Nationale 1ean aritu zinen Euskal Kosta taldean, Baiona, Angelu eta Biarriatzeko taldeen arteko klubean. Zertan da aurten klub hori?

Hiru kluben arteko talde bat egin zuten, baina joan den urte bukaeran Angeluk kluba utzi zuen. Orain Baionarekin bakarrik jarraitzen dute eta beraz, Euskal Kosta Baiona deitzen da.

Zuk Urruñara itzultzea deliberatu zenuen. Diferentzia handia dago bi maila hauen artean?

Bai, nire ustez bai. Euskal Kostan maila onean ginen ere, baina desberdintasuna bada.

Urruñan jende anitz dabil eskubaloiean, nesketan ere, zergatik gertatzen da hori?

Kirola maite duen herria da, eta gazte anitz bada kiroletan. Horregatik, eskubaloia ere ongi hartzen da herrian.

Irunen Bidasoa taldea dago. Baduzue harremanik klubarekin?

Nik batzuk ezagutzen ditut, baina orain arte ez zegoen harreman askorik. Urte honetan hasi dira elkarte batzuk egiten. Txapelketa txiki bat ere egin dugu asteburu batean eta gero eta harreman gehiago dago kluben artean.

Hegoaldean ere, nesken eskubaloian, Bera Bera taldea da hurbilena. Kasu honetan, taldearekin harremanik baduzue?

Ez, bat ere. Jostatu gara batzuetan bigarren taldearen kontra, baina ez dugu harremanik eta domaia da ez gaudelako urrun.

Atharratzeko Xibero taldea zuen mailan dago. Nola uler daiteke horrelako herri txiki batek maila altuko taldea ukaitea?

Neskak Nationale 2an daude eta mutilak oraintxe igo dira Nationale 1 mailara. Gazte asko daude eta kirola ere maite dute. Beti zaila izan da Atharratzera jostatzera joatea. Eskubaloia eta kirola dute odolean.

Kirol batzuk lehentasuna dute, baina eskubaloiak ere ikusgarritasuna izan du azken urteotan.

Nire ustez ez dugu erreferentzirik behar. Maite dugu jolastea eta txiki-txikitatik gaude eskubaloian elkarrekin. Telebistan orain ere ikusten da, baina guk ez dugu hori behar. Ez dugu errenferentzi gehiegirik, baina maite dugu eta nire ustez beste zerbait da guretzat.

Nola ikusten duzu Urruñarrak taldea etorkizunean?

Beharbada badugu Nationale 1era igotzeko pentsamendua buruan, baina ez dugu sobera fite pentsatu nahi horri buruz. Sasoi on bat egitea da gure lehentasuna eta mailaz igotzea gero etorriko da.

Honen harira, zein izango da aurtengo denboraldiaren helburua?

Helburua Nationale 2an egotea eta, zergatik ez, gainetik egotea ere. Gero ikusiko dugu nola pasatzen den urtea. Lehengo urtean ere jokalari asko kolpatu ziren eta ez dugu sobera fite mintzatu nahi, baina lehen taldeetan egotea izanen da gure helburua. 

JACOBO CUETARA: “ONGI DEFENDATZEKO GAI IZAN BEHAR GARA, SENDO, ETA MAILA ALTUA MANTENDU PARTIDU GUZTIAN ZEHAR”
Eskubaloia

JACOBO CUETARA: “ONGI DEFENDATZEKO GAI IZAN BEHAR GARA, SENDO, ETA MAILA ALTUA MANTENDU PARTIDU GUZTIAN ZEHAR”

Bidasoak Puente Genil bisitatuko du ortzirale honetan, martxoaren lehenean, 20:00etan

Bidasoa Irunek ortzirale honetan, martxoaren 1ean, bisitatuko...

BIDASOAK URREZKO BI PUNTU BATU ZITUEN LOGROÑOREN KONTRA
Eskubaloia

BIDASOAK URREZKO BI PUNTU BATU ZITUEN LOGROÑOREN KONTRA

Igande arratsaldean ospatu zen Bidasoaren eta Logroñoren arteko neurketa eta etxekoek sailkapeneko bigarren postua segurtatzeko aukera izan zuten...

JACOBO CUETARA: “DEFENTSAN SENDO IBILTZEA ETA ERASOAN AKATSIK EZ EGITEA IZANEN DIRA GAKOAK”
Eskubaloia

JACOBO CUETARA: “DEFENTSAN SENDO IBILTZEA ETA ERASOAN AKATSIK EZ EGITEA IZANEN DIRA GAKOAK”

Bidasoak Logroño jasoko du igande honetan, otsailaren 25ean, Artalekun 20:00etan

Bidasoak neurketa garrantzitsua izanen du asteburu honetan etxean,...

BIDASOAK BERTZE BI PUNTU BATU ZITUEN VALLADOLIDEN
Eskubaloia

BIDASOAK BERTZE BI PUNTU BATU ZITUEN VALLADOLIDEN

Partidu parekatu baten ondotik, bi golengatik irabaztea lortu zuen Jacobo Cuetararen taldeak Atletico Valladoliden etxean (33-35)

Bidasoak bertze...

JACOBO CUETARA: “PARTIDU BEREZIA DA, BAINA GARRANTZITSUENA LIGAKO BIGARREN POSTUA MANTENTZEA IZANEN DA”
Eskubaloia

JACOBO CUETARA: “PARTIDU BEREZIA DA, BAINA GARRANTZITSUENA LIGAKO BIGARREN POSTUA MANTENTZEA IZANEN DA”

Bidasoak Torrelavega jasoko du ortzirale honetan, otsailaren 9an, Artalekun

Bidasoak Artalekun jokatuko du ortzirale honetan, otsailaren 9an,...

BIDASOAK BARÇA ESTUTU ZUEN ASOBAL LIGAKO BIGARREN ITZULIAREN HASIERAN
Eskubaloia

BIDASOAK BARÇA ESTUTU ZUEN ASOBAL LIGAKO BIGARREN ITZULIAREN HASIERAN

Talde irundarrak 30-23 galdu bazuen ere, bere mailarik onena erakutsi zuen Palau Blaugranan

Bidasoak Plenitude ASOBAL Ligako bigarren itzuliari...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika