LA UNICA TALDEA TXINGUDIRI NAGUSITU ZITZAION PLAIAUNDIN
Errugbia

LA UNICA TALDEA TXINGUDIRI NAGUSITU ZITZAION PLAIAUNDIN

Larunbatean jokatutako partidua 3-98ko markagailuarekin amaitu zen 

Larunbat arratsaldean, urez eta lokatzez betetako zelai batean, aritu ziren norgehiagokan Txingudi eta La Unica talde iruindarra. Nahiz eta etxekoek indarrarekin hasi zuten neurketa, kanpokoek segidan hartu zieten aurrea partiduaren amaierara arte, 3-98ko markagailuan erdietsiz denboraldiko seigarren jardunaldian.

Lehen zatia hasi bezain pronto, Txingudikoek markagailua irekitzeko abagunea aprobetxatu zuten eta Ugo Poncinik zigor kolpe baten bidez egin zuen jokaldi batekin lehen puntuak erdietsi zituen taldearentzat. Hala ere, La Unica taldeak horri buelta eman zion segidan eta partiduko lehen zati honetan lortutako hamar entseguen lehenengoa egin zuten. Iruindarrak nagusi izan ziren hortik aurrera eta atsedenaldia ailegatu zenerako, markagailua 3-66n kokatzea lortu zuten.

Alde izugarri honekin, jardunaldiaren bigarren zatiari ekin zioten bi taldeek. Etxekoek indarberritu eta jarrera hobearekin atera ziren Plaiaundiko zelaira azken minutu hauetan, baina ez zen nahikoa izan. La Unicak erresistentzia izugarria erakutsi zuen eta markagailuan zulo handiagoa irekitzea lortu zuten. Hala ere, 57. minutuan kanpoko taldeak jokalari bat galdu zuen aldi baterako kanporatzeagatik, eta minutu batzuk beranduago beste bat ere kanporatu zuten epailearekiko izan zuen jarrerarengatik. Etxekoek ere Ivan Martin galdu zuten, baina oraingo honetan lesionatu eta erretiratu behar izan zelako.

Azken minutuetan, talde iruindarrak partiduaren kontrola izaten jarraitu zuen eta Txingudi baino bost aldiz gehiago entsegu gunera iristea lortu zuen. Horrela, neurketa 3-98ko markagailuarekin amaitu zen eta etxeko taldea berriz ere, etsituta, garaipenik gabe geratu zen beste asteburu batez.

Hurrengo jardunaldian, zazpigarrenean hain zuzen ere, Txingudik Durango jasoko du Plaiaundiko zelaian.

(Argazkia: La Unica RT)

KIROLETIK - TXINGUDI ERRUGBI KLUBEKO NESKAK
Errugbia

KIROLETIK - TXINGUDI ERRUGBI KLUBEKO NESKAK

Zaisa Txingudi kluba erronkez betetako denboraldia prestatzen ari da. Klubak harrobia eta Touch sekzioa sendotzeaz eta seniorren gizonezkoen taldea euskal lehen mailara itzularazteaz gain,...

ZAISA TXINGUDIK URRIAN HASIKO DU DENBORALDI BERRIA
Errugbia

ZAISA TXINGUDIK URRIAN HASIKO DU DENBORALDI BERRIA

Klubak harrobia eta Touch sekzioa indartzea, emakumeen taldea sortzea eta seniorrak lehen mailara itzultzea izanen du helburu

TXINGORDIK IRABAZI DU FAT RUGBY TXAPELKETA
Errugbia

TXINGORDIK IRABAZI DU FAT RUGBY TXAPELKETA

Monzonen jokatu zen txapelketa, Quebratahuesos RC taldeak antolatuta, eta Txingudi Rugby Klubeko taldeak irabazi zuen

ZAISA TXINGUDIK KLUBEKO EGUNA OSPATZEN AMAITU DU DENBORALDIA
Errugbia

ZAISA TXINGUDIK KLUBEKO EGUNA OSPATZEN AMAITU DU DENBORALDIA

Talde bidasotarrak lesioek baldintzatutako denboraldi honi agur esan zion larunbatean eta dagoeneko hurrengoari begira jarri da

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika