Alcobendas menderatu eta sailkapenean aurreratu du Bidasoak
Eskubaloia

Alcobendas menderatu eta sailkapenean aurreratu du Bidasoak

BIDASOA: Dejanovic, Cavero, Trkulja (3), Martínez (7), Crowley (7), Zildzic (1), Muiña (1). Vázquez, Revin, Penón, Gimeno (1), Azkue (5).

ALCOBENDAS: Delgado, Beret (1), López (1), Kramarz (1), Catalina (3), Barba (3), Gómez (4), Barroso, González (1), Calle, Díez (1), Llopis (1), García, Gimeno (4), Pérez, Prieto (2).

MARKAGAILUA: 3-2, 5-3, 7-5, 9-7, 11-8 (atsedenaldia); 14-11, 15-13, 18-14, 19-18, 22-22, 25-22.

Bidasoarentzat, betebeharra zen Alcobendasi Artalekun irabaztea. Igoera fasean sartzeko lehian jarraitzeko, ezinbesteko baldintza. Kostata, baina lortu du Madrilgo taldea mendean hartzea. Norgehiagoka txukuna egin du Fernando Bolearen taldeak, baina behar baino gehiago sufritu du amaieran. Lehen zatian, kontrolpean izan du aurkaria. Defentsa sendoa erakutsi du tarteka, eta estualdi bakarra pasa behar izan du. Boleak hutsartea eskatu du 19.minutuan, Alcobendas 8-7ra hurbildu denean. Lau minutu beranduago, berriz, kanpoko entrenatzaileak eskatu behar izan du, Bidasoak egoerari buelta eman diolako. Azken minutuetan jokalari bat gutxiagorekin aritu den arren, Irungo taldeak ondo kudeatu du egoera. Lauko abantaila lasaigarria hartu du atsedenaldirako (12-8).

Bigarren zatian, hasiera txarra egin du Bidasoak. 14-13ra hurbildu da Madrilgo taldea sei minutuko tartean. Ordu laurdena bete arte ondo aritu dira berriro bidasoarrak, defentsan gogor eta erasoan eraginkor. 18-13koa sartu du Crowleyk, Revinek eragindako zazpi metroko jaurtiketan. Aukera izan duen arren, Bidasoak ez du neurketa hautsi. Alcobendasek estu hartu du, bost minutu falta zirenean norgehiagoka berdintzeraino (22-22). Galtzeko asko zuten irundarrek, baina ez dute urduritasunik antzeman. Eskarmentua azaleratu dute, behar-beharrezko zituzten puntuak eskuratzeko. Azkuek sartu du 23-22koa, eta epaileak Díez aurkaria kanporatu du jokaldi berdinean. Alcobendasek pasiboa egin du erasoan, eta Amer Zildzicek 24-22koa lortu du, neurketa erabakitzeko.

Azpimarratzeko moduko partida egin duen Cristian Martínezek sartu du hurrengoa, eta Dejanovic atezainak bi jaurtiketa gelditu ditu segidan, Alcobendasen azken erasoan. Bi puntuekin, Alcobendas harrapatu eta gainditu du Bidasoak sailkapenean, lehen itzulian Madrilen irabazi zuelako. Hiru jardunaldi gelditzen dira liga amaitzeko, eta lehia estua izango da Bidasoaren, Alcobendasen eta Navaren artean. Estropezu egiten duen taldea igoera fasetik kanpo geldituko da.

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA
Eskubaloia

NIETO, FURUNDARENA, URRUZOLA ETA MUJIKA EUROPAKO TXAPELKETAN IZANGO DIRA

Uztailaren 7tik 17ra jokatuko da Europako Junior Txapelketa eta bertan izango dira Bidasoako lau jokalari gazteak

JULEN AGINAGALDE BIDASOAKO KIROL ZUZENDARIA IZANGO DA
Eskubaloia

JULEN AGINAGALDE BIDASOAKO KIROL ZUZENDARIA IZANGO DA

Jokalari irundarrak urte bat gehiago emango du Bidasoan jokatzen, “kamiseta zintzilikatu” baino lehen

Julen...

TXINGUDI ZUBIEDERREK SAN MARTZIAL TORNEOA IRABAZI DU
Eskubaloia

TXINGUDI ZUBIEDERREK SAN MARTZIAL TORNEOA IRABAZI DU

Txingudi Eskubaloi Taldeak lehendabiziko aldiz ospatu zuen senior mailako emakumeentzako San Martzial Torneoa, eta etxeko taldeak lortu zuen garaipena

ASIER NIETOK BIDASOAN JOKATUKO DU DATORREN HIRU URTEETAN
Eskubaloia

ASIER NIETOK BIDASOAN JOKATUKO DU DATORREN HIRU URTEETAN

Etxebarriako jokalariak aurre-akordio bat sinatu du Bidasoarekin eta hurrengo hiru denboraldietan bertan jokatuko duela iragarri du klubak

BIDASOAK ETA GEFF ENPRESAK ZUTEN AKORDIOA BERRITU DUTE
Eskubaloia

BIDASOAK ETA GEFF ENPRESAK ZUTEN AKORDIOA BERRITU DUTE

Ehungintzako enpresak klub irundarraren hornitzaile izaten jarraituko du hurrengo bi denboraldietan

C.D. Bidasoatik...

BIDASOA ASOBAL KOPAKO TXAPELDUNORDE
Eskubaloia

BIDASOA ASOBAL KOPAKO TXAPELDUNORDE

Igandean jokatu zuen Bidasoak Asobal Kopako finala Barçaren aurka eta, 29-37ko markagailuarekin, txapeldunorde izatea lortu zuen

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika