ATSEDENALDIAREN OSTEAN, GARAIPENA
Errugbia

ATSEDENALDIAREN OSTEAN, GARAIPENA

Hendaiako Estadioak garaipen garrantzitsua erdietsi zuen Saint Paul le Daxen aurka (21-6) eta zazpigarren postura igo da taldea. Neurketa markagailuak adieraztean duena baino gogorragoa izan zen.

Denboraldiko bigarren garaipena lortu zuten ‘xuriek’ igandean Ondarraitzen. Berez, Saint Paul le Daxen aurkako partida etxetik kanpo jokatzekoak ziren, baina, Covida dela-eta, Hendaiako zelaian jokatzeko eskaera egin zuten eta Federazioak onarpena eman zuen. Aukera paregabea zuen Hendaiako Estadioak garaipen garrantzitsu bat erdietsi, taldearen sentsazioak hobetu, urduritasunak lasaitu eta sailkapenean igotzeko. Eta aukera ez zuten galdu.

Neurketaren amaierako emaitza 21-6koa izan bazen ere, neurketa oso zaila izan zen etxeko taldearentzat. Saint Paul le Daxek taldea hasupotzeko nahian jende asko eraman zuen Ondarraitzera, eta horrekin batera, kondizio metereologiko kaxkarrek neurketa gogorra bilakatu zuten igandekoa. Kanpoko taldeak punturik batu gabe iritsi zen Ondarraitzera eta hasieratik, denboraldiko lehen puntuak batzeko helburuarekin irten ziren zelaira. Defentsa gogorra burutu zuten eta lehen zatian, behintzat, Hendaiako Estadioak ezin izan zuen eroso erasotu. Lehen zatian, bi taldeetatik inork ez zuen entsegurik gauzatu, 3-6 bukatu ziren lehen 40 minutuak eta puntu denak zigor-kolpeetatik heldu ziren.

Bigarren zatian, Saint Paul le Daxek indarra galtzen hasi zen eta Hendaiako Estadioa hobe kokatzen joan zen zelaian. Neurketaren agintea etxeko taldeak hartu zuen, baina entseguak ez ziren neurketako azken laurdenera arte gauzatu. 62.minutuan lortu zuten lehen entsegua erdiestea, bigarrena 71.minutuan izan zen, eta hirugarrena eta azkena neurketako amaieran. Beraz, ozta-ozta lortutako garaipena izan zen.

Gauzak horrela, Hendaiako Estadioak garaipen estu baina baliotsu honekin sailkapenean zazpigarren postura igo da eta zortzi punturekin sailkapeneko postu erosoetan kokatu da. Datorren igandean, beste behin eta hirugarren aldiz jarraian Ondarraitzen jokatuko dute, sailkapeneko bigarrena den Peyrehorade taldearen aurka. 

HASTEKO, JIPOIA
Errugbia

HASTEKO, JIPOIA

Atletico San Sebastianen aurka Donostian Euskadi Senior Ligako irekiera neurketa jokatu eta galdu zuen Txingudi Errugbi Klubak (48-11).

Denboraldi berriko...

BURUA ALTXA EZIN
Errugbia

BURUA ALTXA EZIN

Hendaiako Estadioak denboraldiko hirugarren porrota jasan zuen asteburuan Soustonsen aurka (38-26), bigarrena jarraian. 

Hendaiako Estadioak...

JOSE LUIS PEÑA ‘TOCI’ MEMORIALA, DONOSTIRA
Errugbia

JOSE LUIS PEÑA ‘TOCI’ MEMORIALA, DONOSTIRA

Bidasotarren denboraldi-aurreko bigarren lagunartekoan Atletico San Sebastian 12-38 nagusitu zen.

Neurketa bizia jokatu zuten bi taldeek, Txingudi Rugby...

BIGARREN PORROTA JARRAIAN
Errugbia

BIGARREN PORROTA JARRAIAN

Hendaiako Estadioak ezin izan zuen Ondarraitzen Boucau Tarnos mendean hartu (39-44).

Orain artean Hendaiako Estadioak jokatu dituen neurketa guztiak...

GARAIPENA LEHEN LAGUNARTEKOAN
Errugbia

GARAIPENA LEHEN LAGUNARTEKOAN

Ezaugarri bereko bi arerio lehiatu ziren Plaiaundin, Txingudi Errugbi Kluba eta Bera-Bera B. Nuerketa etxean geratu zen, 14-8.

Txingudi Errugbi Kluba eta...

PUNTU BATENGATIK ERE BALIO DU
Errugbia

PUNTU BATENGATIK ERE BALIO DU

Denboraldiko lehen jardunaldian 15-14 garaitu zuen Hendaiako Estadioak Saint Paul le Dax.

Kirola eta errugbia bueltatu zen pasa den igandean...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika