BAZTAN-BIDASOALDEKO FUTBOL TALDE NAGUSIENEK EZ DUTE GARAIPENIK LORTU ASTEBURUAN
Futbola

BAZTAN-BIDASOALDEKO FUTBOL TALDE NAGUSIENEK EZ DUTE GARAIPENIK LORTU ASTEBURUAN

Beti Gazteko bi taldeek, Gure Txokoak eta Baztanek bana berdindu dute eta Doneztebek galdu

Baztan-Bidasoaldeko futbol talde nagusienek ez dute garaipenik batu asteburu honetan. Beti Gazteko emakume eta gizonezkoek, Gure Txokoak eta Baztanek bana berdindu dute euren partiduetan, eta Doneztebek aldiz, 1-0 galdu zuen Beti Casedanoren kontra. Hala ere, sentsazio onak izan zituzten talde guztiek eta horiek aprobetxatuko dituzte heldu den jardunaldietan.

Beti Gazteko Ohorezko Erregional mailako emakumeek aurten mailaz jeitsi den Goierri Gorri taldearen kontra aritu ziren Mastegin. Lehen zatian joko ona zelairatu zuten etxekoek eta bi markagailuak hutsean mantentzea lortu zuten. Bigarren zatiaren hasieran, okerrago aritu ziren lesakarrak eta orduan jaso zuten aurkariaren gola. Gibeletik jokatzen segitu zuten. Orduan, Izaro Aldaberen sakea buruz errematatu zuen Idoia Gardek eta neurketa berdintzeko gai izan ziren. Puntuak banatuta, garaipen baten antzera hartu zuten emaitza Beti Gaztekoek.

Maila eta klub bereko gizonezkoek ere emaitza bera eskuratu zuten Ordizian, bertako taldearen kontra. Lesakarrek azken minutuetan lortu zuten etxekoei aitzin hartzea, eta garaipenarekin bukatu behar zutela uste zutenean, euren akats batengatik epaileak penaltia erabaki zuen eta horrela, Ordiziak berdintzeko aukera aprobetxatu zuen. Hala ere, joko ona zelairatu zutela uste dute Beti Gaztekoek eta horrela segituko dute lanean.

Erregional mailako Gure Txokoak ere banako berdinketa lortu zuen Oiartzun B taldearen kontra. Karla Lekuona anexoan jokatu zuten eta hauek ere pozik gelditu ziren emaitzarekin, maila bereko bertze taldeen partiduak nola joan ziren ikusi ondotik. Beratarrek galdu gabe segitzen dute eta igoera fasea jokatzeko helburua bertan dute. Sailkapeneko bigarren postuan daude, 16 punturekin, Landetxarekin berdinduta. Lehen postuan, Trintxerpe dago kokaturik puntu bat gehiagorekin.

Nafarroako Ligako Lehen maila autonomikoko Baztanek ere puntuak banatu zituen San Miguel taldearekin. Hauek ere banako berdinketa lortzeko gai izan ziren, partidu guztian zehar gibeletik joan ondotik. Elizondora punturik batu gabe bueltatuko zirela pentsatu zutenean aldiz, puntu bat poltsikoratu zuten, denboraldia aitzinera joan ahala garrantzitsua izan daitekeena.

Azkenik, Prefente mailan ari den Doneztebek Kasedan utzi zituen puntu guztiak. Beti Casedano izan zuten aitzinean eta 1-0eko markagailuarekin bukatu zen hauen arteko partidua. Aurkariak penalti bidez sartu zuen gola, eta doneztebarren iritziz gaizki markatutako penalti bat izan zen. Euren taldeko jokalari batek area barruan baloia kontrolatu eta errebotean besoan jo zion. Epaileak orduan, penaltia zela erabaki zuen eta Beti Casedanok aukera aprobetxatu zuen. Sentsazio gazi-gozoekin bueltatu ziren etxera doneztebarrak, baina oraindik ere entrenamenduetan egiten ari diren lana baliagarria dela sinetsita. 

(Argazkia: Beti Casedano)

FRAN JUSTOK EZ DU REAL UNIONEN SEGITUKO
Futbola

FRAN JUSTOK EZ DU REAL UNIONEN SEGITUKO

Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...

REAL UNIONEK ROCA TALDEAREN INGURUKO LIBURUA KALERATU DU
Futbola

REAL UNIONEK ROCA TALDEAREN INGURUKO LIBURUA KALERATU DU

“Ecos del Roca” izenburupean, Roca talde historikoaren sorrera kontatu dute liburuan

Real Unionek “Ecos del Roca” liburua kaleratu berri du,...

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN
Futbola

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN

Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute

Real Unionek Irun Hiria Beteranoen...

JOSH FEENEY ETA TOMMI O´REILLY ASTON VILLARA BUELTATUKO DIRA
Futbola

JOSH FEENEY ETA TOMMI O´REILLY ASTON VILLARA BUELTATUKO DIRA

2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere

Real Unionek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika