Bidasoak 31-27 irabazi zion pasa den ortziralean Artalekun Ademar Leon taldeari

Bidasoak denboraldiko bederatzigarren garaipena eskuratu zuen pasa den larunbatean Artalekun. Ademar Leon taldea izan zuen aitzinean eta 31-27ko markagailuarekin irabazi zion, sailkapenean bertze bi puntu batuz eta bigarren postuan kokatuz.

Lehen hamar minutuak hasita, Ademar Leon izan zen aitzinetik jarri zen taldea. Markagailua bere alde jarri zuen eta Bidasoari horri buelta ematea egokitu zitzaion. Emaitza irauli eta etxekoek hartu zuten aurrea neurketa bukaera bitarte. Hala ere, hurbiletik segitu zieten Leongoek. Atsedenaldira 16-15koarekin ailegatu ziren eta bigarren zatian ireki zuten tartea Jacobo Cuetararen mutilek. Lau goleko aldea lortu zuten 40.minutuan eta alde hori mantendu zuten 60 minutuak bukatuta. Azkenik, 31-27ko emaitzarekin bukatu zen partidua eta garaipena Irunen gelditu zen orduan.

Honen ondotik, sailkapeneko bigarren postuan kokaturik jokatuko dute heldu den asteburuko jardunaldia bidasotarrek. Frigoríficos Morrazo taldea bisitatuko dute igande honetan, azaroaren 26an, 17:30ean. Artalekun berriz, abenduaren 2an ariko dira, Bada Huescaren kontra 21:00etan.

(Argazkia: Arrate Morales)