BIDASOAK BARÇA JASOKO DU IGANDEAN ETXEAN
Eskubaloia

BIDASOAK BARÇA JASOKO DU IGANDEAN ETXEAN

Bi talde hauen arteko neurketa ikusteko sarrera guztiak agortu dira dagoeneko

Bidasoak bertze erronka ilusionagarri bat izanen du asteburu honetan. Izan ere, martxoaren 5ean, igandean, Plenitude ASOBAL Ligako sailkapeneko liderra den Barça taldea jasoko du etxean (19:30). Jacobo Cuetararen hitzetan, “neurketa polita” izanen da eta, hain zuzen ere, horren islada da zaleek sarrera guztiak agortu dituztela dagoeneko.

Bidasotarrek “etxeko lanak eginda” eginen diote aurre igandeko partiduari, Jacobo Cuetarak azaldu duenez. Torrelavegaren eta Valladoliden kontrako Ligako bi neurketak irabazita, eta pasa den asteartean ere, Aarhus Skandenborg taldea garaituta, “sentsazio onekin” kantxaratuko dira talde irundarreko jokalariak. Entrenatzaileak jakinarazi duen moduan, “igandeko neurketan ez dugu galtzeko deus eta beraz, gure zaleen aitzinean munduko talderik onenaren kontra aritzea oso polita izanen da”.

Barçak “Champions-ean galdu gabeko partiden marka hautsi du”, Cuetarak argitu duenez. “Ez da Ligako kontua, baizik eta mundu osokoa, ezin du inork garaitu”, gaineratu du. Honen aitzinean, Bidasoak “ilusioz” ekinen dio neurketari eta “saiatzera” aterako dira jokalariak kantxara. Gainera, prestatzaileak azpimarratu du aspaldidanik ez zutela Barçaren kontra baja gehiegirik gabe jokatzen: “Aspaldi ez genuela Barçaren kontra jokatzen baja gehiegirik gabe. Horregatik, gure burua proban jartzeko momentu ona da. Partidu polita da eta presiorik gabekoa, ez baitugu deus garrantzitsurik jokoan”.

Zaila izanen da Barça garaitzea, baina Bidasoa hori lortzeko puntuan egon da bizpahiru alditan: “Agian gu izan gara Ligako neurketetako atsedenaldietara aldi gehiagotan berdinduta iritsi den taldea. Bertze batzuetan ere, hamar minuturen faltan, berdintzetik hurbil egon gara. Gehiagorik ez dugu lortu, baina bai iritsi garela aurreko bi helburu horietara”.

Agian igande honetan hirugarren helburu hori lor dezake Bidasoak eta, agian, Barçaren kontra garaipena eskuratzen duen talde bakarrenetarikoan bihur daiteke. Hala ere, oztopo batzuk gainditu beharko ditu horretarako eta horietako bat, Cuetarak berak onartu duenez, Dika Mem jokalaria da. “Kantxan ez ikustea zaila da, beti dago hor. Gainera, lesio oso gutxi edukitzen dituen jokalaria da, baita munduko jokalaririk desorekatzaileena ere”, erran du entrenatzaileak.

Artalekuko langileen greba

Bidasoak gainditu beharko duen bertze oztopo bat Artalekuko langileak aitzinera eramaten ari diren greba da. Zalantzan dago oraindik ea igandeko neurketa jokatu ahal izanen den edo ez. Bidasotarrek ez dute bertze aukerarik ikusten, partidua ez bada jokatzen isuna jasoko baitu taldeak. Hori gerta ez dadin, ahal duten guztia jarriko dute euren partetik Barçaren kontrako partidua zaleen aitzinean ospatu dadin.

BIDASOAK GUADALAJARA BISITATUKO DU BIHAR
Eskubaloia

BIDASOAK GUADALAJARA BISITATUKO DU BIHAR

Plenitude ASOBAL Ligan puntuak batzen segitzea izanen da irundarren biharko helburua

Bidasoak, Sporting Club de Portugal taldearen kontra irabazi...

TXINGUDI ESKUBALOI KLUBAK ASTE SANTUKO KANPUSA ANTOLATU DU
Eskubaloia

TXINGUDI ESKUBALOI KLUBAK ASTE SANTUKO KANPUSA ANTOLATU DU

2009 eta 2012 urteen artean jaiotako haurrei zuzenduta egonen dira entrenamenduak

Txingudi Eskubaloi Klubak haurrentzako kanpusa antolatu du Aste...

PARTIDU GORABEHERATSUA IRABAZI ZUEN BIDASOAK LAST 16 FASEKO LEHEN JARDUNALDIAN
Eskubaloia

PARTIDU GORABEHERATSUA IRABAZI ZUEN BIDASOAK LAST 16 FASEKO LEHEN JARDUNALDIAN

Norgehiagoka hogei minutuz gelditu behar izan zuten, kantxa irristakor zegoelako

Bidasoak ezin hobe hasi du European Leagueko Last 16 fasea....

BIDASOAK SPORTING CLUB DE PORTUGAL JASOKO DU BIHAR ARTALEKUN
Eskubaloia

BIDASOAK SPORTING CLUB DE PORTUGAL JASOKO DU BIHAR ARTALEKUN

European Leagueko Last 16 faseko lehen jardunaldia izanen da biharkoa

Bidasoak, atsedenaren ondotik, bihar ekinen dio denboraldiko azken herenari....

JAKUB SLADKOWSKI BIDASOAKO JOKALARIA IZANEN DA DATOZEN BI DENBORALDIETAN
Eskubaloia

JAKUB SLADKOWSKI BIDASOAKO JOKALARIA IZANEN DA DATOZEN BI DENBORALDIETAN

Poloniarra eta Bidasoa aurre-akordio batera iritsi dira eta horren arabera, bertze bi urtez luzatu ahal izanen du jokalariak bere kontratua

CD Bidasoak eta...

BIDASOAK MAILA ONA ERAKUTSI ZUEN LIGAKO LIDERRAREN KONTRA
Eskubaloia

BIDASOAK MAILA ONA ERAKUTSI ZUEN LIGAKO LIDERRAREN KONTRA

Talde irundarrak 26-32ko markagailuarekin galdu zuen Barçaren kontra, Artaleku bete batean

Bidasoak ezin izan zuen Plenitude ASOBAL Ligako liderra...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika