BIDASOAK MENDEAN HARTU ZUEN LOGROÑO
Eskubaloia

BIDASOAK MENDEAN HARTU ZUEN LOGROÑO

Irundarrak nagusi izan ziren eta zazpi goleko errentarekin irabazi zuten Logroñon

Bidasoak atzo jokatu zuen Logroñoren aurka denboraldiko 22. jardunaldia eta arrakastarekin amaitu zuen. Hasieran erakutsi zuten nagusitasuna, bukaerara arte mantendu ahal izan zuten eta azkenik, zazpi goleko aldearekin eskuratu zuten garaipena, 24-31ko markagailuarekin.

Partiduaren lehendabiziko minututik, irundarrak aurretik jarri ziren hiru goleko errenta ere lortuz zenbait momentutan (1-4, 2-5, 3-6). Hala ere, Logroñok honi erantzun eta hiru alditan jarri zuen markagailua bere alde. 15. minutuan, bi taldeak berdinduta zeuden 8-8koarekin. Hurrengo partzialetan gainera, beste bi berdinketa ere eskuratu zituzten irundarrek eta errioxarrek (20. minutuan, 11-11 eta 25. minutuan, 13-13). Atsedenaldia baino lehenagoko minutuetan ordea, Xoan Ledok atean egindako defentsa lanari esker eta Bidasoak lortu zuen 2-4ko partzialaren laguntzaz, 13-16ko markagailua ezarri zuten bigarren zatiaren hasierako.

Aldageletatik bueltan, bidasotarrek indarrez ekin zioten partiduaren beste erdiari. Lehenengo minutuetan, bost goleko errenta lortu zuten 14-19koa ipiniz. Eskuratutako abantaila hori mantendu zuten bisitariek hurrengo minutuetan, bost eta sei goleko hutsunea irekita bi taldeen artean. Logroñok orduan, norgehiagoka amaitzeko hamar minutu falta zirenean, berriz ere indarrez eraso eta errenta lau eta hiru goletara murriztea lortu zuen. Edonola ere, ez zen nahikoa izan eta Bidasoak berriz ere errenta handitu zuen, 60. minuturako 24-31koa eskuratuz.

Garaipen honekin, Bidasoak sailkapenean bi puntu batu eta Logroñorekin zuen aldea handitu du. Orain, hirugarren postuan jarraitzen badu ere, errioxarrek baino sei puntu gehiago dituzte irundarrek eta Granollers taldearekin 32ra berdinduta daude.

Fitxa teknikoa

24 - Logroño La Rioja (13+11). Pérez, Rivero (1), Casado (4, 1 p.), El Korchi, Rubiño (5, 2 p.), Serradilla (3), David Cadarso; Terçariol, Diocou (3, 2 p.), Rodríguez (1), Moreira, Almeida (5), Ortíz, Eduardo Cadarso (2), Kisselev, Goñi.

31 - Bidasoa Irun (16+15). Ledo, Ugarte (5), Zabala (3), Odriozola (7), Salinas (4, 1 p.), Fernández (2), Rodríguez (1); Sierra, Furundarena (1), Mujika (2), Aginagalde (4), Tesoriere, Francisco da Silva, Nieto (1), García (1).

Partzialak. 2-4, 5-6, 8-8, 11-11, 13-13, 13-16; 14-19, 16-22, 19-25, 22-26, 23-29, 24-31.

Epaileak. Oyarzun Aylagas eta Zaragüeta Ruiz. Logroño La Riojaren aldetik, txartel urdina erakutsi diote delegatuari, eta Eduardo Cadarso zigortu dute bi minutuz; Bidasoa Irunen aldetik, Francisco da Silva, Tesoriere (2) eta Fernández.

Bestelakorik. Sacyr ASOBAL Ligako 22. jardunaldia Logroñoko Palacio de los Deportes kiroldegian 1.200 bat zaleren aurrean, horietako ehun bat, Gipuzkoatik iritsiak.

(Argazkia: Juanjo Acobi)

BIDASOAK MENDEAN HARTU ZUEN VALLADOLID
Eskubaloia

BIDASOAK MENDEAN HARTU ZUEN VALLADOLID

Talde irundarrak 33-26ko markagailu zabalarekin irabazi zuen Valladoliden aurka larunbatean Artalekun

Pasa den...

IL CAPO HONDARRIBIAK GARAIPEN BATEKIN AMAITU DU DENBORALDIA
Eskubaloia

IL CAPO HONDARRIBIAK GARAIPEN BATEKIN AMAITU DU DENBORALDIA

Arrate Eibar 31-39 menderatu ostean, Il Capo Hondarribiak sailkapeneko hirugarren postuan bukatu du aurtengo denboraldia

BIDASOA ETA GRANOLLERS ELKARREN AURKA ASOBAL KOPAKO FINALERDIAN
Eskubaloia

BIDASOA ETA GRANOLLERS ELKARREN AURKA ASOBAL KOPAKO FINALERDIAN

Ekainaren 4ean ospatuko da finalerdia Zaragozako Principe Felipe Jauregian

Bidasoak Granollers izango du aurkari...

BIDASOAK VALLADOLID JASOKO DU ARTALEKUN
Eskubaloia

BIDASOAK VALLADOLID JASOKO DU ARTALEKUN

Etxeko taldea irabaztera aterako da kantxara, sailkapenean ahalik eta puntu gehien batzeko helburuarekin

Bidasoak...

BIDASOAK SORTUTAKO APLIKAZIOAK 1.000 DESKARGA INGURU IZAN DITU
Eskubaloia

BIDASOAK SORTUTAKO APLIKAZIOAK 1.000 DESKARGA INGURU IZAN DITU

Klub irundarraren digitalizazio prozesuaren barrenean, bazkide txartela eta partiduetarako sarrerak mugikorrean edukitzea da helburuetako bat

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika