BURUZ BURUKOAREN HIRUGARREN POSTUA IRUNEN ERABAKIKO DA

Jose Javier Zabaleta eta Beñat Rezusta atzelariek aurtengo Buruz Buruko txapelketari Irunen emango diete amaiera. 

Atzelarien arteko kontsolidazio-finala jasoko du igandean Irungo Uranzu Pilotalekuak. Final erdietan, Iñaki Artola eta Jokin Altuna III. aurrelariek final handitik kanpo utzi zituzten Jose Javier Zabaleta eta Beñat Rezusta; horrela, bien artean podiumeko hirugarren tokira igotzeagatik aritu beharko dira, non eta Irungo Uranzu frontoian. 

Txapelketa eta hitzordu handien plaza bilakatu da Uranzu; izan ere, Emakume Masters Cupeko finalaren eta Eskuz Binakako final laurdenen lehenengo jardunaldiaren ostean, Buruz Buruko txapelketaren kontsolidazio-finala jasoko du. Igandekoa ez da nolanahiko neurketa izango, egun sasoikoen dauden bi atzelarien arteko neurketa zirraragarriaren lekuko izango da Irun.

Jose Javier Zabaleta Buruz Burukoa erdiesteko faboritoetakoa zen. Elezkano II-rekin batera Eskuz Binakakoa mendean hartu ostean, banakako txapelketa gogotsu hasi zuen. 22-2 aise irabazi zion final zortzirenetan Arteagari, final laurdenetan 22-5 mendean hartu zuen Dario, baina Altuna III.-naren aurka, ezin izan zuen finaleko txartela eskuratu (8-22). Rezustaren ibilbidea ere ona izan da: Lehen neurketan, 22-14 garaitu zuen Bengoetxea VI.na, Elezkano II 22-8 garaituta sartu zen final erdietan, baina final erdietan ezin izan zuen Artola mendean hartu (22-16). Gauzak horrela, atzelari nafa eta gipuzkoarra banakako txapelketa hirugarren postuan bukatzeagatik lehiatuko dira.

Borja Olazabalek, Irungo Udaleko Kirol ordezkariak, pozik honako hau adierazi du: ”albiste ona da berriro ere Uranzu horrelako txapelketetako egoitzen artean egotea. Ez da ikuslerik izango oraindik ere, baina, une hori iritsi arte, nabarmendu behar da pilotalekua erantzuten ari zaiela berritu zenetik instalazio honetan jarri ziren itxaropenei. Horren erakusgarri da Irungo pilotazaleentzat ekitaldi ugari egiten ari direla bertan".

EDOZERTARAKO PREST DAGO BEÑAT REZUSTA

 Irungo Uranzu pilotalekuan 8-22 garaitu zuen Jose Javier Zabaleta eta Artola sendatu ezean, Altuna III.naren aurka arituko da Buruz Buruko txapelketaren...

EDURNE MARTIARENA ETA IDOIA KARRERA GARAILE

Hondarribiako Emakumezkoen VI. Pala Txapelketa Edurne Martiarena eta Idoia Karrera bikoteak bereganatu du. Emeki Elkarteko antolatzaileen iritziz, txapelketa...

BURUZ BURUKOAREN HIRUGARREN POSTUA IRUNEN ERABAKIKO DA

Jose Javier Zabaleta eta Beñat Rezusta atzelariek aurtengo Buruz Buruko txapelketari Irunen emango diete amaiera. 

Atzelarien arteko...

ZIRRARA SOROETAN

Hondarribiko Emakumezkoen VI. Pala Txapelketaren laugarren jardunaldia jokatu zen larunbatean. Soroetako pilotalekuan lau neurketa zirraragarri bizitu ahal izan...

HIRUGARREN JARDUNALDI ITZELA

Martiarena-Karrera, Mariezkurrena-Ayorga eta Ochoteco-Zabala bikoteak gailendu dira Hondarribiko Emakumezkoen VI. Pala Txapelketako hirugarren...

BIGARREN ASTEZ JARRAIAN, EMAKUME PALISTAK PROTAGONISTA HONDARRIBIAN

Amunarriz-Mentaberri, Martiarena-Karrera eta Tijero-Badiola bikoteek erdietsi zituzten bigarren jardunaldiko garaipenak.

Bigarren astez jarraian,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika