Pasa den denboraldi gorabeheratsuaren ondotik, aunitz ikasita, urte berri bati hasiera emateko prest daude Stadium Galen

Igor Emery, Real Uniongo Administrazio Kontseiluko presidentea, 2023/24 denboraldiaz mintzatu da. Pasa den urtea gogorra izan zela onartu du eta hortik aunitz ikasi dutela aurtengorako. Hastear dagoen denboraldi berri honetan, lehen taldearen helburuez aparte, proiektu berri aunitzen inguruan mintzatu zaigu presidentea, hala nola, Mariño-Real Union emakume futbolarien proiektuaz. Harrobiarekin batera, su ttikian gauzatu behar den lana da hau, baina dagoeneko errealitate bihurtuta, pozik eta itxaropentsu daude Galen arituko diren emakumeekin. Bertzalde, erabaki azkarrak hartzea behartzen duen lehen taldea ere hor dago. Igandean, abuztuaren 27an, jokatuko dute Ligako lehen jardunaldia etxean, Sabadell-en kontra eta horri aurre egiteko, lantalde fin eta lehiakorra osatu dutela argi du Igor Emeryk.