Uranzun eta Artalekun jokatuko dituzte partiduak Euskal Herriko sei taldeek

San Martzial Emakumeen Eskubaloi Torneoa bueltan da Irunen. Aurten, bigarren edizioa ospatuko dute eta horretarako, Euskal Herriko sei talde arituko dira lehian elkarren kontra. Partiduak 10:00etan hasiko dira eta kanporaketak Uranzu pilotalekuan eta Artalekun izanen dira.

Txingudi Eskubaloi Taldeak II. San Martziak Emakumeen Eskubaloi Torneoa ospatuko du bihar, ekainaren 10ean, Irunen. Euskal Herriko sei taldek hartuko dute parte bertan. Etxeko taldeaz gain, Txingudi Zubieder, Ibaizabal Eskubaloi Taldea, Tolosa CF Eskubaloia, Stade Hendayais HB, Garaje El Prado Corazonistas eta BM Ardoi ere arituko dira lehian.

Goizeko 10:00etan hasiko dira kanporaketak eta Artalekun eta Uranzun jokatuko dituzte hauek. Etxeko taldeak Artalekun jokatuko ditu kanporaketetako bi partiduak. Lehena, 10:00etan, Ibaizabalen kontra eta bigarrena, 11:00etan, Corazonistas taldearen kontra.

Arratsaldean berriz, 16:00etatik aitzinera, 5. eta 6. postuak erabakiko dituzte. 17:00etan berriz, 3. eta 4. postuak. Eta azkenik, finala ospatuko dute 18:00etan. Arratsaldeko neurketa hauek guztiak Artalekun ospatuko dira, baita 19:00etan eginen den sari banaketa eta itxiera ekitaldia ere.