ILCAPO HONDARRIBIA ETA BIDASOA AURREZ AURRE EUSKAL KOPAN
Eskubaloia

ILCAPO HONDARRIBIA ETA BIDASOA AURREZ AURRE EUSKAL KOPAN

Euskal Kopako finalerdiak jokatuko dira bihar Hondartzan eta bertan, Ilcapo Hondarribia eta Bidasoa arituko dira elkarren aurka

IlCapo Hondarribiak bihar hitzordu garrantzitsu eta berezi bat izango du arratsaldean. Izan ere, Euskal Kopako finalerdia jokatuko du Bidasoaren aurka, Hondartzan arratsaldeko 19:30ean.

Bidasoako harrobiko taldea Nazional mailako Open Cup Txapelketako finalerdietara iritsi da eta final handian egoteko, Bidasoa bera gainditu beharko du bihar elkarren aurka jokatu beharko duten partiduan. Neurketa berezia izango da, IlCapo Hondarribiako jokalari asko lehen taldearekin lanean ibili baitira denboraldi honetako azken zatian, lan ona betez gainera. Hala ere, Jacobo Cuetarak norgehiagoka honen atarian egindako prentsaurrekoan azaldu duen moduan, “gazte gehienak harrobiko taldearekin arituko dira kaltetuak izan ez daitezen. Taok bakarrik jokatuko du gurekin, jokalari batzuk minez baitaude eta gutxieneko kopuru bat behar dugu lehiakorrak izateko”.

Hain zuzen ere, Bidasoa “garaipena eskuratzera” aterako da bihar kantxara Cuetarak onartu duenez, nahiz eta badakien aurrean izango dituen jokalariek maila ona dutela: “Oso ondo aritzen den talde bat da. Oso ondo ezagutzen dugu elkar, beraien jokalari batzuk gurekin jokatu baitute aurten. Hala ere, irabazi behar dugu, partidu hau larunbaterako baliagarria izan daitekeelako”.

Bidasoako entrenatzaileak gainera, Ilcapo Hondarribiak aurten egin duen lana goraipatu nahi izan du, baita elkarren aurkako norgehiagoka hau berezia izango dela azpimarratu ere: “Euskal Kopan elkarlanean dabiltzan bi talde elkarren aurka egotea polita da. Beraientzat opari bat da eta gogoz daude gure kontra jokatzeko. Denboraldi ona egiten ari dira, hirugarren sailkatuak dira Lehen Maila Nazionalean, eta oso berezia izango da denontzat”.

Joseba Zabala Ilcapo Hondarribiako atezainak ere “oparitzat” kalifikatu du biharko neurketa eta gazteak beraiekin aritzeak jokoa parekatuko duela ere aurreikusi du: “Guretzat opari bat izan da Euskal Kopako finalerdietan Bidasoaren kontra jokatzea. Oso zaila izango da irabaztea, baina beraiekin aritu diren gure taldeko jokalari gehienak bueltan izango dira eta beraz, kantxan parekatuak egoteko aukera izango dugu. Hala ere, gure helburua ahalik eta gehien disfrutatzea izango da”.

Ilcapo Hondarribia eta Bidasoaren arteko neurketa berezi hau bihar arratsaldeko 19:30ean ospatuko da Hondartza kiroldegian, eta bertan erabakiko da zein talde egongo den Euskal Kopako final handian.

BIDASOAK MENDEAN HARTU ZUEN VALLADOLID
Eskubaloia

BIDASOAK MENDEAN HARTU ZUEN VALLADOLID

Talde irundarrak 33-26ko markagailu zabalarekin irabazi zuen Valladoliden aurka larunbatean Artalekun

Pasa den...

IL CAPO HONDARRIBIAK GARAIPEN BATEKIN AMAITU DU DENBORALDIA
Eskubaloia

IL CAPO HONDARRIBIAK GARAIPEN BATEKIN AMAITU DU DENBORALDIA

Arrate Eibar 31-39 menderatu ostean, Il Capo Hondarribiak sailkapeneko hirugarren postuan bukatu du aurtengo denboraldia

BIDASOA ETA GRANOLLERS ELKARREN AURKA ASOBAL KOPAKO FINALERDIAN
Eskubaloia

BIDASOA ETA GRANOLLERS ELKARREN AURKA ASOBAL KOPAKO FINALERDIAN

Ekainaren 4ean ospatuko da finalerdia Zaragozako Principe Felipe Jauregian

Bidasoak Granollers izango du aurkari...

BIDASOAK VALLADOLID JASOKO DU ARTALEKUN
Eskubaloia

BIDASOAK VALLADOLID JASOKO DU ARTALEKUN

Etxeko taldea irabaztera aterako da kantxara, sailkapenean ahalik eta puntu gehien batzeko helburuarekin

Bidasoak...

BIDASOAK SORTUTAKO APLIKAZIOAK 1.000 DESKARGA INGURU IZAN DITU
Eskubaloia

BIDASOAK SORTUTAKO APLIKAZIOAK 1.000 DESKARGA INGURU IZAN DITU

Klub irundarraren digitalizazio prozesuaren barrenean, bazkide txartela eta partiduetarako sarrerak mugikorrean edukitzea da helburuetako bat

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika