IÑIGO IDIAKEZ: “EZ DUGU PRESIORIK, BAINA BAI ONGI EGITEAREN ARDURA”
Futbola

IÑIGO IDIAKEZ: “EZ DUGU PRESIORIK, BAINA BAI ONGI EGITEAREN ARDURA”

Real Unionek Rayo Majadahonda bisitatuko du bihar, arratsaldeko 16:00etan

Real Unionek bihar, martxoaren 9an, izanen du erronka berri bat. Asteburu honetan, Rayo Majadahonda bisitatuko du talde txuribeltzak Cerro del Espino zelaian, 16:00etan. Barça Atlètic-en kontra hutsera berdindu ondotik, Iñigo Idiakezen mutilek garaipena eskuratu nahi dute, hiru puntuak batu eta sailkapenean, leku eroso batean kokatzeko.

Iñigo Idiakezek aipatu bezala, Real Union beti ateratzen da zelaira hiru puntuak eskuratzera, baina asteburu honetan helburu hori pixkat bat argiago izanen dute txuribeltzek. Azken bost neurketetan ez du garaipenik lortu Idiakezen taldeak eta hilabete hau garrantzitsua izanen dela dio: “Hiru puntuak eskuratzeko ardura dugu. Hilabete hau garrantzitsua izanen da sailkapenera begira, honek erabakiko du zein izaten ahal den gure egoera denboraldi bukaeran. Hiru puntuak bueltan ekartzen saiatuko gara, jakinda zaila izanen dela. Ezin gara erlaxatu, dena eman behar dugu, hilabete hau gakoa izanen baita”.

Rayo Majadahonda sailkapeneko azken postuan dago kokatuta, baina entrenatzaileak onartu du aurkariak “ez duela postu hori merezi”. “Futbolean ongi jokatzen duen taldea da, goian estutzen dakiena. Ez dute beldurrik eta hiru puntuak eskuratzeko beharra dute”, gaineratu du. Hori baita talde madrildarraren ezaugarri nagusia momentu honetan, garaipena lortzeko beharretan daudela, azken postutik aldentzeko, eta horrek neurketa zailduko dio Real Unioni.

Horren aitzinean, talde txuribeltzak “%200a” eman behar duela argi du Idiakezek: “Ezin dugu pentsatu irabaztea erraza izanen dela. Jokalariek badakite zer egin behar duten, eta %200a emanen dute hori lortzeko. Indarra edukiko dugu eta, zalantzarik gabe, hiru puntuen bila aterako gara. “Presiorik gabe, baina maila mantentzeko ardurarekin, baita ongi jokatzeko ardurarekin”, aterako dira Cerro del Espino zelaira txuribeltzak, hiru puntuak eskuratzeko gai dela sinetsita. 

REAL UNION ROCAK HIRU PUNTUAK ESKURATU ZITUEN AZPEITIAN
Futbola

REAL UNION ROCAK HIRU PUNTUAK ESKURATU ZITUEN AZPEITIAN

1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra

CD Lagun Onak B: Madrazo; Arizmendi,...

REAL UNIONEK PORROTA JASO ZUEN LAS LLANAS ZELAIAN
Futbola

REAL UNIONEK PORROTA JASO ZUEN LAS LLANAS ZELAIAN

Sestaok sartutako bi penaltiekin, 3-1eko emaitzarekin galdu zuen Real Unionek

Real Unionek porrota jaso zuen pasa den larunbatean Las Llanas...

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”
Futbola

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”

Real Unionek bihar bisitatuko du Sestao River (20:00), zalerik gabe jokatuko den neurketa ospatzeko

Real Unionek, pasa den asteburuko garaipena...

REAL UNIONEK CORNELLA GARAITU ZUEN GALEN
Futbola

REAL UNIONEK CORNELLA GARAITU ZUEN GALEN

Alex Cerdák sartutako golari esker, hiru puntuak etxean gelditu ziren

Urtarriletik garaipenik batu gabe egon ondotik, Real Unionek Cornella garaitu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika