IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”
Futbola

IÑIGO IDIAKEZ: “EZ NAGO TALDEAREKIN KEZKATUTA, GURE EGOERAREKIN BAIZIK”

Real Unionek SD Logroñes bisitatuko du Las Gaunas zelaian bihar, martxoaren 23an, 16:00etan

Real Unionek SD Logroñes bisitatuko du larunbat honetan, martxoaren 23an, Las Gaunas zelaian. Talde txuribeltzak 16:00etan izanen du denboraldiko azken txanpa honetako hitzordu erabakigarrietako bat. Garaipena du helburu nagusia eta hori lortzeko prest dagoela adierazi du taldeak.

“Gogorra”. Horrela definitu du biharko neurketa Iñigo Idiakez Real Uniongo entrenatzaileak. “Egiten ari garenaren ardura osoa daukagu”, gaineratu du. Izan ere, “bizi nahi ez dugun egoeran egotea” egokitu zaio talde txuribeltzari. Urtarrila bukaeratik ez du garaipenik lortzen eta, oraindik arriskuan ez badago ere, lehen bait lehen puntuak batzen hastea komeni zaio taldeari.

SD Logroñes izanen da bere hurrengo aurkaria, “luzea den zelai batean”. Las Gaunasen “non jokatu eta jokoaren egoerak nola kudeatu” jakin behar dela adierazi du Idiakezek. Horretarako, bere taldea prest dagoela ere jakinarazi du: “Egin beharreko guztia prestatu dugu eta horrekin aterako gara zelaira. Ongi entrenatu dugu, irabazteko gogoz gaude, egin nahi dugunaren idea garbi daukagu eta egoerari buelta eman nahi diogu”.

Idiakezek jokalari ia guztiak sartu ditu biharko deialdian, Victor Eimil eta Tommy O´Reilly kenduta: “Eimil ez da etorriko deialdian ez dagoelako eta Tommy lesionatuta dago”. Bertze guztiak autobusean bidaiatuko dute Logroñora: “Denak etorriko dira eta hori garrantzitsua izanen da, egoera zailetan denok hor egotea inportantea delako”.

Hiru puntuak irabazteko “kontzientziatuta” daudela aipatu du prestatzaileak, eta bere plantillaz harro dagoela: “Ongi ikusten ditut. Lan ona egiten dute, ongi entrenatzen ari dira eta prestaketetan gaudenean erraten dudanari adi egoten dira. Idiakez ez dago “taldearekin kezkatuta, baizik eta egoerarekin”. Entrenatzaileak ziur dago biharko partidua aitzinera ateratzeko behar den guztia dutela. 

REAL UNION ROCAK HIRU PUNTUAK ESKURATU ZITUEN AZPEITIAN
Futbola

REAL UNION ROCAK HIRU PUNTUAK ESKURATU ZITUEN AZPEITIAN

1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra

CD Lagun Onak B: Madrazo; Arizmendi,...

REAL UNIONEK PORROTA JASO ZUEN LAS LLANAS ZELAIAN
Futbola

REAL UNIONEK PORROTA JASO ZUEN LAS LLANAS ZELAIAN

Sestaok sartutako bi penaltiekin, 3-1eko emaitzarekin galdu zuen Real Unionek

Real Unionek porrota jaso zuen pasa den larunbatean Las Llanas...

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”
Futbola

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”

Real Unionek bihar bisitatuko du Sestao River (20:00), zalerik gabe jokatuko den neurketa ospatzeko

Real Unionek, pasa den asteburuko garaipena...

REAL UNIONEK CORNELLA GARAITU ZUEN GALEN
Futbola

REAL UNIONEK CORNELLA GARAITU ZUEN GALEN

Alex Cerdák sartutako golari esker, hiru puntuak etxean gelditu ziren

Urtarriletik garaipenik batu gabe egon ondotik, Real Unionek Cornella garaitu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika