JACOBO CUETARA: “LEHIAKORRAK IZATEKO PREST GAUDE”
Eskubaloia

JACOBO CUETARA: “LEHIAKORRAK IZATEKO PREST GAUDE”

Bidasoak igande honetan hasiko du ASOBAL Liga Benidormen aurka jokatuko duen neurketarekin

Bidasoak aurredenboraldia bukatu du eta ASOBAL Liga hasteko prest dago. Asteburu honetan abiatuko da 2022/23 denboraldia eta Bidasoaren lehen aurkaria Benidorm izanen da. Lehen jardunaldi honetan, kanpoan arituko dira bidasotarrak, Benidormen hain zuzen ere, eta neurketa igandean izanen da eguerdiko 12:00etan.

Jacobo Cuetarak Benidormen aurkako neurketa zaila izanen dela aurreikusten du: “Klub handi bat da, baita talde handi bat ere. Aurreko denboraldian laugarren izan ziren. Gainera, beraien kantxan aritzeak zailtasuna gehitzen dio”. Aurtengo erreferentziak falta zaizkiola ere aipatu du Cuetarak, Ligan nola moldatuko diren alegia. Hala ere, garrantzitsuena Irungo taldearen egoera izanen da eta “lehiakorrak izateko ongi prestatuak” daudela aitortu du prestatzaileak.

Bidasotarrak gogotsu daude Ligari hasiera emateko eta entrenatzailea ere pozik dago denboraldi honetarako osatu duen taldearekin: “Pozik nago taldearekin. Lehen taldeko plantilla murriztu dugu aurten, baina jokalari gazteak ditugu gurekin. Dagoeneko zazpi dira gurekin batera entrenatzen ari direnak, eta kalitate handia ematen digute”. Jokalari berriak ere “ongi egokitu” direla, azpimarratu du Cuetarak eta poliki-poliki hobera eginen dutela denboraldian zehar.

Horretarako garrantzitsuena lehiatzen hastea da eta kantxan gertatzen denari erreparatzea. “Aurredenboraldi ona egin dugu eta pozik gaude gure lanarekin, baina lehiaketak zure lekuan jartzen zaitu. Hala ere gure sentsazioak onak dira”, azpimarratu du asturiarrak.

Igandeko partidarako jokalari guztiak prest daudela ere gaineratu du. Hala ere, jokalari batzuk entrenamendu gutxiago egin dituztela ere erran du, Thomas Tesoriere adibidez. Marsellakoak zenbait entrenamendu eta neurketa galdu ditu orain arte, baina edonola ere, “besteek jarraipena izan dute eta hori garrantzitsua da”, azaldu du Cuetarak.

Bidasoa eta Benidormen arteko neurketa beraz, igande honetan ospatuko da, Benidormen bertan, eguerdiko 12:00etan. Zuzenean ikusteko aukera ere egonen da LaLigaSports TV-n.

DA SILVA ETA SKRZYNIARZ BRASILGO ETA POLONIAKO SELEKZIOEKIN
Eskubaloia

DA SILVA ETA SKRZYNIARZ BRASILGO ETA POLONIAKO SELEKZIOEKIN

Bidasoako bi jokalariek euren selezioekin Munduko eta Europako Txapelketak prestatuko dituzte urrian

Bidasoako...

JACOBO CUETARA: “ARTALEKUREN BABESA BEHARKO DUGU”
Eskubaloia

JACOBO CUETARA: “ARTALEKUREN BABESA BEHARKO DUGU”

Bidasoak bihar ekingo dio Europako Txapelketa Kolstad Håndball taldearen kontra jokatuko duen neurketarekin

BIDASOAK HIRUGARREN GARRAIPENA JARRAIAN ESKURATU DU
Eskubaloia

BIDASOAK HIRUGARREN GARRAIPENA JARRAIAN ESKURATU DU

Bidasotarrek 33-28ko markagailuarekin hartu zuten mendean Recoletas Atletico Valladolid taldea

Bidasoak denboraldi...

JACOBO CUETARA: “ASIER NIETO ETA JULEN AGINAGALDE BERRESKURATU DITUGU”
Eskubaloia

JACOBO CUETARA: “ASIER NIETO ETA JULEN AGINAGALDE BERRESKURATU DITUGU”

Bidasoak Valladolid jasoko du ortzirale honetan Artalekun

Bidasoak denboraldiko laugarren jardunaldia jokatuko du...

BIDASOA-KOLSTAD NEURKETARAKO SARRERAK SALGAI
Eskubaloia

BIDASOA-KOLSTAD NEURKETARAKO SARRERAK SALGAI

Irailaren 27an ospatuko da Artalekun EHF European Leagueko Bigarren Kanporaketako joaneko neurketa

Bidasoak...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika