JAIZUBIA HIPIKA KLUBAK XXXII. IRUN HIRIA SARI NAGUSIA OSPATUKO DU ASTEBURUAN

San Pedro eta San Martzial jaien inguruan ospatzen da Nagore Otañoren oroimenez antolatzen den txapelketa hau

Ekainaren 18an eta 19an Jaizubia Hipika Klubak Nagore Otañoren oroimenezko XXXII. Irun Hiri Sari Nagusia ospatuko du. Irungo Udalaren laguntzarekin antolatutako txapelketa larunbatean hasiko da, goizeko 10:00etan, eta 120 zaldi inguruk parte hartzea aurreikusten da.

Asteazken eguerdian egin zuten prentsaurrekoa Jaizubia Hipika Klubean, aurtengo Irun Hiria Sari Nagusiko aurkezpena egiteko. Bertan, Juan Ramon Perez Klub Hipikoko lehendakaria, Xabi Berrotaran klubeko irakaslea eta Borja Olazabal Irungo Udaleko kirol zinegotzia izan ziren, eta Perezek txapelketa honetan jasotzen duten Irungo Udalaren laguntza eskertu nahi izan zuen lehendabizi.

Aurkezpenean aipatu zutenez, lehiaketan klubetik beratik, Arabatik, Gipuzkoatik, Nafarroatik eta Iparraldetik etorritako 120 zaldi inguruk parte hartzea aurreikusten dute, eta Xabi Berrotaranek aurreratu zuen moduan, “proba zorrotzak eta ikusgarriak egongo dira, eta kalitatezko zaldiak izango ditugu gure hirian”. Larunbatean, goizeko 10:00etan, emango diote hasiera txapelketari hainbat altuerako jauziekin. Bazkalostean, jarraipena izango du ekitaldiak nagusien mailakoak egingo duten erakustaldi batekin.

Klubetik jakinarazi dute Txingudi Ikastolan aparkalekuak egokituko direla partehartzaileen etorrera errazteko, baita Urdanibia Jauregia inguruan ere.

Xabi Berrotaranek xehetasun gehiago eman zizkigun jardunaldiaren inguruan. 


KIROL 2022 EKITALDIA OSTIRALEAN FICOBAN

Kirola eta osasuna uztartuko dituen jardunaldi honetan, Bi On Be proiektua aurkeztuko dute Igor Emeryk, Alex Arietak eta Herve Etcheverryk

GIPUZKOAKO PENTATLOI TXAPELKETA IRUNEN OSPATUKO DA

Abuztuak 7 lehiatuko da, Urdanibia Plazan, eta lehendabiziko aldia izango da txapelketa hau ofizialki antolatzen dela

EUSKADIKO ESGRIMALARI ONENA BILAKATU DA DAVID VICENTE

Esgrima Gladius Irun Taldeak, eta, bereziki, David Vicentek, Euskadiko Esgrima Txapelketako txapela Irunera ekartzea erdietsi dute.

Donostia Euskadiko...

JOKIN NIÑO EUSKADIKO TXAPELDUN

Jaizubia Zaldi Eskolako zalduna pasaden igandean Etxebarri-ibiñan jokatu zen txapelketan, Jeunesse behorrarekin metro bateko jauzien proban gailendu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika