MALLORCA IZANEN DA REAL UNIONEN ERREGE KOPAKO HURRENGO AURKARIA
Futbola

MALLORCA IZANEN DA REAL UNIONEN ERREGE KOPAKO HURRENGO AURKARIA

Errege Kopako Bigarren Kanporaketa abenduaren 20, 21 eta 22an ospatuko da eta Real Unionek RCD Mallorca jasoko du Galen

Real Unioni, Errege Kopako Bigarren Kanporaketa jokatzeko, RCD Mallorca jasotzea egokitu zitzaion atzo arratsaldean ospatutako zozketan. Abenduaren 20, 21 eta 22an jokatuko da txapelketaren bigarren jardunaldi hau eta, atzo erabaki zen moduan, Lehen mailako bertze talde batek bisitatuko du Stadium Gal.

Klub txuribeltzak ilusioz eta poztasunez jaso zuen atzo arratsaldean zozketan erabakitakoa. Abenduaren bukaeran, Errege Kopako Bigarren Kanporaketa jokatuko da eta Lehen Mailako bertze talde batek Stadium Gal bisitatuko duela erabaki zen. Kasu honetan, RCD Mallorca etorriko da Irunera. Real Union Klubak eta lehen taldeko jokalariek, aurreko igandeko zapore gozoarekin oraindik, horrelako bertze arratsalde bat bizitzeko gogoz daudela aitortu zuten, eta Mallorcaren kontra aritzea “opari bat” dela ere azpimarratu zuten.

Igor Emery Real Unioneko Administrazio Kontseiluko presidentea pozik azaldu zen prentsaren aitzinean, zozketaren ondotik. Historian lehen aldia izanen da Real Union eta Mallorca parez pare egonen direla eta “asmoa Cadizen aurka erakutsi genuena berriz ere erakustea” izanen dela adierazi zuen Emeryk. Lehen taldeak, “zaleekin batera, oso indartsua dela erakutsi zuen lehengo egunean eta edozer gauza lortzeko gai dela”, gaineratu zuen. Lehendakariak hemendik abendura bitarte klubaren lana zein izanen den ere aurreratu zuen: “Hemendik hasita abendura bitarte, taldeari lagunduko diogu bere mailarik onena lortzen. Mallorcaren aurka egun polita biziko dugu seguru. Gabonetako oparia lehenagotik iritsi zaigu eta hortaz gozatuko dugu”. “Aupa Union!” aldarrikatzen bukatu zuen Emeryk.

Mario Capelete jokalariak ere partidu honi “ilusioz” aurre eginen diotela jakinarazi zuen: “Gutako askorentzat lehen aldia izanen da Lehen mailako talde baten kontra aritzen garela, eta alde horretatik, ilusio handia dugu neurketa hori jokatzeagatik eta aurreko igandeko giro berbera errepikatzeagatik”. Izan ere, Cadizen kontra bizitako giroa “denboraldi honetan bakarra” izan dela adierazi zuen Capeletek, eta helburua hori izanen dela ere azpimarratu zuen, “giro hori errepikatu eta, poliki-poliki, jendea lotzea Ligan gu animatzera etortzeko”.

Hala ere, erdilari irundarrak neurketa honek izanen duen zailtasuna onartu zuen: “Elitean aritzen diren talde hauen kontra, edozein akats txikik gogor zigortzen zaitu. Horregatik, gure arma guztiekin lehiatuko gara, jakinda edozein akats garesti ordainduko dugula”. Hemendik abendura bitarte Liga da Real Unionen helburu nagusia eta hortan zentratuko da taldea. Errege Kopako neurketa ailegatzen denean ordea, euren mailarik onena eman beharko dute, “kontuan edukita nahiz eta onena eman agian ez garela iritsiko”, erran zuen Capeletek. Azkenik, Mallorcaren kontra aritzea “guretzat opari bat da eta gozatzera aterako gara zelaira, lehengo egunean bezala. Gogoa eta ilusioa ez zaigu faltako”, jakinarazi zuen jokalariak.

(Argazkia: Mikel Blasco)

REAL UNION GALERA BUELTATUKO DA IGANDEAN
Futbola

REAL UNION GALERA BUELTATUKO DA IGANDEAN

Talde irundarrak Gimnastic de Tarragona jasoko du etxean eguerdiko 12:00etan

Real Unionek denboraldiko...

REAL UNION B-K ERRAZTASUNAREKIN GARAITU ZUEN HERNANI B
Futbola

REAL UNION B-K ERRAZTASUNAREKIN GARAITU ZUEN HERNANI B

Talde txuribeltzak 5-0eko markagailu zabala erdietsi zuen denboraldiko hamargarren jardunaldian

Real Union...

REAL UNIONEK HIRU PUNTUAK ESKURATU ZITUEN ANTONIO SOLANAN
Futbola

REAL UNIONEK HIRU PUNTUAK ESKURATU ZITUEN ANTONIO SOLANAN

Talde txuribeltzak hasierako markagailua irauli eta Nacho Sanchezek sartutako bi golekin partida irabazi zuen

AITOR ZULAIKA:
Futbola

AITOR ZULAIKA: "LIGAN ZENTRATU BEHAR GARA BURU-BELARRI"

Errege Kopako euforia alde batera utzi, eta Real Unionek Ligari jarraipena emanen dio igandean Intercity-ren kontra

MALLORCA IZANEN DA REAL UNIONEN ERREGE KOPAKO HURRENGO AURKARIA
Futbola

MALLORCA IZANEN DA REAL UNIONEN ERREGE KOPAKO HURRENGO AURKARIA

Errege Kopako Bigarren Kanporaketa abenduaren 20, 21 eta 22an ospatuko da eta Real Unionek RCD Mallorca jasoko du Galen

REAL UNION B-K HUTSERA BERDINDU ZUEN ALLERRUREN KONTRA
Futbola

REAL UNION B-K HUTSERA BERDINDU ZUEN ALLERRUREN KONTRA

Talde irundarrak ez zuen golik jaso ezta lortu ere, eta bertze berdinketa batekin itzuli zen etxera

Allerru...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika