Puntu bat gehiago batu zuen Iñaki Goikoetxearen taldeak sailkapenera

Real Unionek bana berdinduta bukatu zuen atzo arratsaldean Cornella-ren kontra jokatu zuen partiduan. Lehen zatian gehiago izan zen etxeko taldea, baina bigarren zatian Iñaki Goikoetxearen mutilak suspertu ziren eta euren alde jarri zuten neurketa. Hala ere, Cornella-k emaitza berdindu zuen. Txuribeltzak saiatu ziren berriz ere aitzinetik jartzea, baina ezin izan zituzten aukerak errematatu.

Lehen zatiko jokoa etxekoena izan zen. Aukera gehienak eurek sortu zituzten, baina ezin izan zituzten errematatu. Real Unionek ere abagune garbi bat eduki zuen lehen 45 minutuetan. Riverok falta bota eta Nacho Sanchezek jaso zuen bere jaurtiketa. Hala ere, gora joan zitzaion jokalari kanariarrari errematea eta ezin izan zuen golik sartu. Horrela, hutsean berdinduta bukatu zuten bi taldeek ere lehen zatia.

Bigarren zatian berriz ere, Real Union izan zen neurketaren buruzagia. Etxekoen lehen aukeraren ondotik, Iñaki Goikoetxearen taldearen gola iritsi zen. 56. minutuan, Riverok bere zelaitik baloia atera eta Luqueri pasea egin zion. Honek Nacho Sanchezi egin zion jaurtiketa eta kanariarrak aurkariaren atean sartzea lortu zuen. Aitzinetik jarri ziren txuribeltzak, baina etxekoak emaitza berdindu zuten bederatzi minutu beranduago, Falconek sartutako golari esker.

Neurketa bukatu baino lehen, Jon Anderrek bigarren gola sartzeko aukera izan zuen buruz, baina Gerardek baloia lapurtzeko aukera aprobetxatu zuen. Horrela, bana berdinduta bukatu zen jardunaldia. Real Unionek puntu bat ekarri zuen etxera bueltan eta orain, 31 ditu guztira sailkapenean. Bi puntura du salbazioa talde txuribeltzak eta hori lortzen saiatuko da datorren asteburuan ere, hain zuzen ere, igandean (apirilaren 2an), Stadium Galen CD Numanciaren kontrako neurketan.